അഞ്ചു സംസ്ഥാനങ്ങളിലേക്ക് നടന്ന നിയമസഭാ തിരഞ്ഞെടുപ്പില് കോണ്ഗ്രസിന്റെ ദയനീയ തോല്വിക്കു പിന്നാലെ സോണിയ ഗാന്ധിയും പ്രിയങ്ക ഗാന്ധിയും രാജിയ്ക്ക് ഒരുങ്ങുന്നെന്ന വാര്ത്തകള് തള്ളി കോണ്ഗ്രസ്. വാര്ത്തകള് തികച്ചും അടിസ്ഥാനരഹിതമാണെന്നു കോണ്ഗ്രസ് വക്താവ് രണ്ദീപ് സിങ് സുര്ജേവാല ട്വീറ്ററിലൂടെ അറിയിച്ചു.
സോണിയാഗാന്ധി കോണ്ഗ്രസ് പ്രസിഡന്റ് സ്ഥാനവും പ്രിയങ്കാ ഗാന്ധി എഐസിസി ജനറല് സെക്രട്ടറി സ്ഥാനവും രാജിവച്ചേക്കുമെന്നായിരുന്നു റിപ്പോര്ട്ടുകള്. ഞായറാഴ്ച വൈകീട്ട് നടക്കുന്ന വര്ക്കിംഗ് കമ്മിറ്റി യോഗത്തില് സോണിയ തന്റെ രാജി ഔദ്യോഗികമായി പ്രഖ്യാപിക്കുമെന്നാണ് പുറത്തുവന്ന വിവരം.
Read more
അതേസമയം സോണിയയും രാഹുലും പ്രിയങ്കയും സമ്മര്ദ്ദ തന്ത്രം പയറ്റുകയാണോയെന്ന് സംശയം ദേശീയ തലത്തില് ഉയര്ന്നിട്ടുണ്ട്. പാര്ട്ടി പ്രവര്ത്തക സമിതി നാളെ യോഗം ചേരാനിരിക്കെ വലിയ പ്രഖ്യാപനങ്ങള്ക്ക് ഇത് ഇടയാക്കിയേക്കും.