ടിബറ്റന്‍ ആത്മീയ നേതാവ് ദലൈലാമയുടെ സുരക്ഷ വര്‍ധിപ്പിച്ച് കേന്ദ്ര സര്‍ക്കാര്‍. സിആര്‍പിഎഫ് ഇസഡ് കാറ്റഗറി സുരക്ഷാ സംവിധാനമാണ് ആഭ്യന്തര മന്ത്രാലയം അദേഹത്തിന് ഏര്‍പ്പെടുത്തിയിരിക്കുന്നത്. ദലൈലാമയ്ക്ക് ഭീഷണിയുണ്ടെന്ന ഇന്റലിജന്‍സ് ഏജന്‍സികളുടെ റിവ്യൂ റിപ്പോര്‍ട്ടിനെ തുടര്‍ന്നാണ് കേന്ദ്രസര്‍ക്കാര്‍ തീരുമാനം. ഇതു സംബന്ധിച്ച നിര്‍ദേശം ആഭ്യന്തര മന്ത്രാലയം സിആര്‍പിഎഫിന് കൈമാറി.
1959 മുതല്‍ ഇന്ത്യയിലുള്ള ദലൈലാമയ്ക്ക് ഹിമാചല്‍ പൊലീസും സുരക്ഷാ ഏജന്‍സികളുമാണ് നേരത്തെ സുരക്ഷയൊരുക്കിയിരുന്നത്. ടിബറ്റിലെ ചൈനീസ് അധിനിവേശത്തിനു പിന്നാലെ ദലൈലാമ ഹിമാചല്‍ പ്രദേശിലെ ധരംശാലയിലാണ് താമസിക്കുന്നത്.
Read more
സെഡ് കാറ്റഗറിയില്‍ ഉള്‍പ്പെടുത്തിയതോടെ ദലൈലാമയ്ക്കുള്ള സുരക്ഷാ ജീവനക്കാരുടെ എണ്ണം 33 ആയി ഉയരും. 24 മണിക്കൂറും ദലൈലാമയ്‌ക്കൊപ്പം സുരക്ഷാ ഉദ്യോഗസ്ഥരുണ്ടാകും.
