ഹെെദരാബാദിൽ മേയർ സ്ഥാനത്തേക്ക് വിജയിച്ചാൽ റോഹിംഗ്യകളേയും പാകിസ്ഥാനികളേയും പുറത്താക്കാൻ സർജിക്കൽ സ്ട്രൈക്ക് നടപ്പാക്കുമെന്ന് ബി.ജെ.പി തെലങ്കാന അദ്ധ്യക്ഷനും എം.പിയുമായ ബന്ദി സഞ്ജയ് കുമാർ.
“”ജയിക്കുമെന്ന് ഉറപ്പില്ലാത്തതിനാൽ ചന്ദ്രശേഖര റാവു ഉവൈസിയെ കൂടെക്കൂട്ടിയിരിക്കുകയാണ്. ഉവൈസി ഇന്നലെ പറയുകയാണ്. റോഹിംഗ്യകൾ ഹൈദാരാബാദിലുണ്ടെങ്കിൽ അമിത് ഷാ എന്തുചെയ്യുമെന്ന്. ബി.ജെ.പി മേയർ സ്ഥാനത്തേക്ക് വിജയിക്കുകയാണെങ്കിൽ ഹൈദരാബാദ് ഓൾഡ് സിറ്റിയിൽ സർജിക്കൽ സ്ട്രൈക്ക് നടത്തി പാകിസ്ഥാനികളേയും റോഹിംഗ്യകളേയും പുറത്താക്കും”” -സഞ്ജയ് കുമാർ പറഞ്ഞു.
Read more
ഡിസംബർ ഒന്നിനാണ് ഗ്രേറ്റർ ഹൈദരാബാദ് മുനിസിപ്പൽ കൗൺസിൽ തിരഞ്ഞെടുപ്പ്. റോഹിംഗ്യകളും പാകിസ്ഥാനികളും അഫ്ഗാനികളും ഇവിടെ വോട്ടർമാരായുണ്ടെന്നാണ് ബി.ജെ.പി ആരോപണം. തീവ്ര ഹിന്ദുത്വ അജണ്ടകളുമായാണ് ബി.ജെ.പി തിരഞ്ഞെടുപ്പിനെ സമീപിക്കുന്നത്.
