ജമ്മുകശ്മീരിൽ സൈനിക ഹെലികോപ്റ്റർ തകർന്നുവീണു. ജമ്മു കശ്മീരിലെ കിഷ്ത്വാറിലാണ് അപകടം നടന്നത്. എഎല്‍എച്ച് ധ്രുവ് എന്ന ഹെലികോപ്റ്ററാണ് അപകടത്തിൽ പെട്ടത്. 3 പേർ ഹെലികോപ്റ്ററിൽ ഉണ്ടായിരുന്നതായാണ് വിവരം. ഇവർ മൂന്ന് പേരും സുരക്ഷിതരാണെന്നാണ് അറിയുന്നത്.
Read more
മൂവരും പരിക്കുകളോടെ രക്ഷപ്പെട്ടതായി സൈന്യം അറിയിച്ചു. എല്ലാവരെയും ആശുപത്രിയിലേക്ക് മാറ്റി. ഒരു നദിക്ക് സമീപത്താണ് ഹെലികോപ്ടർ തകർന്നുവീണത്. പ്രദേശവാസികളുടെ കൂടി സഹായത്തോടെയാണ് രക്ഷാ പ്രവർത്തനം നടത്തിയത്.
