ഭക്ഷണവും വെള്ളവും ലഭിക്കാത്തതിൽ പ്രതിഷേധിക്കുന്ന കോവിഡ് രോഗികളുടെ വീഡിയോ സമൂഹ മാധ്യമങ്ങളിൽ വൈറലാവുന്നു. ഉത്തർപ്രദേശിലെ സർക്കാർ ആശുപത്രിയിലാണ് രോഗികൾ പ്രതിഷേധവുമായി രംഗത്തെത്തിയത്.
പ്രയാഗ്‍രാജിലെ കൊത്വ ബാനി മേഖലയിലെ എൽ 1 കാറ്റഗറിയിൽ പെട്ട കോവിഡ് ആശുപത്രിയിലാണ് രോഗികൾ പ്രതിഷേധിക്കുന്നത്. മൂന്ന് മിനിറ്റ് ദൈർഘ്യമുള്ള വീഡിയോയിൽ മൃഗങ്ങളെ പോലെയാണ് തങ്ങളോടെ അധികൃതർ പെറുമാറുന്നതെന്നും വെള്ളവും ഭക്ഷണവുമില്ലെന്നും രോഗികൾ പറയുന്നു.
ഞങ്ങളെന്താ മൃഗങ്ങളാണോ? ഞങ്ങൾക്കെന്താ വെള്ളം വേണ്ടേ ? എന്നിങ്ങനെ തങ്ങളുടെ ദുരതങ്ങൾ പറഞ്ഞു കൊണ്ടാണ് ഇവർ പ്രതിഷേധിക്കുന്നത്. ഭക്ഷണത്തെ കുറിച്ച് ചോദിച്ചപ്പോൾ പകുതി വെന്ത ഭക്ഷണമാണ് ലഭിക്കുന്നതെന്നും രോഗികൾ വീഡിയോ എടുക്കുന്ന ആളോട് പരാതി പറയുന്നത് കാണാം.
Read more
ഇതേ സമയം ആശുപത്രിയിൽ വെള്ളം ലഭിക്കാത്ത അവസ്ഥ രണ്ട് മണിക്കൂറിനുള്ളിൽ പരിഹരിച്ചുവെന്ന് പ്രയാഗ്‍രാജ് ചീഫ് മെഡിക്കൽ ഓഫീസർ അറിയിച്ചു. ശുദ്ധജലം ലഭിക്കാൻ പ്രയാസമുണ്ടായിരുന്നു. അത് വൈദ്യുതിയുടെ പ്രശ്നമായിരുന്നുവെന്നും അദ്ദേഹം പറഞ്ഞു.
