മുംബൈ കലാച്ചോവ്കിയില് റോഡരികിൽ കിടന്ന് ഉറങ്ങിയിരുന്ന രണ്ട് വയസുകാരിക്ക് നേരെ കാർ പാഞ്ഞുകയറി ദാരുണാന്ത്യം. ചന്ദ്ര വജന്ദാരാണ് അതിദാരുണമായി കൊല്ലപ്പെട്ടത്. കൂടെ ഉണ്ടായിരുന്ന ചന്ദ്രയുടെ 11 വയസുള്ള സഹോദരൻ ഷൈലു വജന്ദാറിനും ഗുരുതരമായ പരിക്കേറ്റിട്ടുണ്ട്.
കാറിന്റെ അതിവേഗതയാണ് കാരണമെന്നാണ് ഇപ്പോൾ ലഭിക്കുന്ന റിപ്പോട്ടുകൾ സൂചിപ്പിക്കുന്നത്. ലാല്ബഗ്ച രാജാ ഗണപതി മണ്ഡലിന് മുന്നിലാണ് അപകടം നടന്നത്. അപകടത്തിന് പിന്നാലെ വണ്ടി ഓടിച്ചിരുന്ന ഡ്രൈവർ നിർത്താതെ പോകുകയും ചെയ്തു.
Read more
അപകടത്തിന് ശേഷം ഇരുവരെയും കെഇഎം ആശുപത്രിയില് പ്രവേശിപ്പിച്ചെങ്കിലും ചന്ദ്രയെ രക്ഷിക്കാനായില്ല. അപകടം വരുത്തിയ കാറിന്റെ ഡ്രൈവറെ തിരിച്ചറിഞ്ഞിട്ടുണ്ട്. ഇയാള്ക്കായുള്ള അന്വേഷണം പുരോഗമിക്കുകയാണെന്ന് പൊലീസ് പറഞ്ഞു.
