വാരണാസിയിലെ കടവുകള്‍ക്ക് ചുറ്റും വിദ്വേഷ പോസ്റ്ററുകള്‍ പതിച്ച്‌ ഹിന്ദുത്വ സംഘടനകളായ വിശ്വഹിന്ദു പരിഷത്തും ബജ്റംഗ്ദളും. ‘അഹിന്ദുക്കള്‍ വാരണാസിയിലെ ഗംഗാതീരം സന്ദര്‍ശിക്കുന്നത് നിരോധിച്ചിരിക്കുന്നു’ എന്നാണ് പോസ്റ്റർ. ഈ സംഘടനകളുടെ നേതാക്കള്‍ ഇവ പതിക്കുന്ന ഫോട്ടോകളും സോഷ്യല്‍ മീഡിയയില്‍ പങ്കുവെച്ചു.
‘ഇത് ഒരു മുന്നറിയിപ്പാണ്, അഭ്യര്‍ത്ഥനയല്ല’ എന്നാണ് പോസ്റ്ററുകളില്‍ എഴുതിയിരിക്കുന്നത്. പ്രധാനമന്ത്രി നരേന്ദ്ര മോദിയുടെ പാര്‍ലമെന്റ് മണ്ഡലമാണ് വാരണാസി. കാവി വേഷധാരികൾ പതിച്ച ഇത്തരം പോസ്റ്ററുകള്‍ നഗരത്തിലുടനീളമുള്ള വിവിധ കടവുകളില്‍ കാണാം.
Read more
ഉത്തര്‍പ്രദേശില്‍ നിയമസഭാ തിരഞ്ഞെടുപ്പ് അടുത്തിരിക്കെ, ബിജെപിയുടെ ന്യൂനപക്ഷ വിരുദ്ധ പ്രചാരണം ശക്തമാകുകയാണ്. മുഖ്യമന്ത്രി യോഗി ആദിത്യനാഥ് ഉള്‍പ്പെടെയുള്ള ഭാരതീയ ജനതാ പാര്‍ട്ടി നേതാക്കള്‍ ഈ പ്രചാരണത്തിന് നേരെ കണ്ണടയ്ക്കുക മാത്രമല്ല, സജീവമായി പിന്തുണയ്ക്കുകയും ചെയ്യുന്നെന്നാണ് ആരോപണം.
