വിട്ടുപോയ ഘടകകക്ഷികളെ തിരിച്ചുകൊണ്ടുവരണമെന്ന ചിന്തന്ശിബിരത്തിലെ കോണ്ഗ്രസ് പ്രമേയം വൈകി വന്ന വിവേകമെന്ന് കേരള കോണ്ഗ്രസ് എം നേതാവ് സ്റ്റീഫന് ജോര്ജ്. എന്തിന് പുറത്താക്കി എന്നാണ് ആദ്യം കോണ്ഗ്രസ് ചര്ച്ച ചെയ്യേണ്ടത്. കെ.പി.സി.സി പ്രസിഡന്റിന്റേത് മലര്പ്പൊടിക്കാരന്റെ സ്വപ്നമെന്നും സ്റ്റീഫന് ജോര്ജ് കോട്ടയത്ത് പറഞ്ഞു.
യുഡിഎഫ് വിട്ടവരെ തിരിച്ചെത്തിക്കണമെന്നു കേരള കോണ്ഗ്രസ്, എല്ജെഡി എന്നിവരുടെ പേര് പരാമര്ശിക്കാതെയാണ് ചിന്തന് ശിബിരത്തില് പ്രമേയം വന്നത്. യുഡിഎഫിലേക്ക് തിരിച്ച് പോകേണ്ട സാഹചര്യമില്ലെന്നാണ് ഇരുകൂട്ടരുടെയും നിലപാട്.
ബിജെപിക്ക് യഥാര്ത്ഥ ബദല് കോണ്ഗ്രസാണ്. അതില് ഊന്നി പ്രചാരണം വേണം. ന്യൂന പക്ഷ വിഭാഗങ്ങളെ ഒപ്പം നിര്ത്താന് ശ്രമിക്കണം. ക്രിസ്ത്യന് വിഭാഗങ്ങള്ക്കിടയില് കടന്നു കയറാന് ഉള്ള ബിജെപി ശ്രമത്തിന് തടയിടണണമെന്നും രാഷ്ട്രീയ പ്രമേയം ആഹ്വാനം ചെയ്യുന്നു.
Read more
യുഡിഎഫ് വിപുലീകരിക്കണമെന്ന വി കെ ശ്രീകണ്ഠന് എംപിയുടെ രാഷ്ട്രീയപ്രമേയത്തിനൊപ്പം, ചിന്തന് ശിബിരത്തില് നേതാക്കള് വിവിധ പ്രമേയങ്ങളും അവതരിപ്പിച്ചു.
