സഹകരണ സംഘം തട്ടിപ്പുകേസിൽ പ്രതിയാക്കിയ നടപടിയിൽ പ്രതികരണവുമായി മുൻ മന്ത്രി വി എസ് ശിവകുമാർ. 16 വർഷം മുമ്പ് താൻ ഉദ്ഘാടനം ചെയ്‌ത സൊസൈറ്റിയാണ്. അതല്ലാതെ മറ്റൊരു ബന്ധവുമില്ലെ. കരുതിക്കൂട്ടി അപമാനിക്കാൻ നീക്കം നടക്കുന്നവെന്നും വി എസ് ശിവകുമാർ പറഞ്ഞു. ആരൊക്കെയാണ് നിക്ഷേപകർ എന്നറിയില്ലെന്നും ശിവകുമാർ കൂട്ടിച്ചേർത്തു.
പരാതി ലഭിച്ചാൽ ഉടൻ പ്രതി ചേർക്കുന്നത് വിചിത്രമായ നടപടിയാണ്. ഈ വിഷയത്തിൽ പൊലീസ് മതിയായ പരിശോധനകൾ നടത്തിയിട്ടില്ലെന്നും ആരോപിച്ച ശിവകുമാർ അന്വേഷണത്തെ സ്വാഗതം ചെയ്യന്നുവെന്നും പറഞ്ഞു.അതേ സമയം വി.എസ്.ശിവകുമാറിന്റെ വാദം വാസ്തവിരുദ്ധമാണെന്നാണ് പരാതിക്കാരൻ ചൂണ്ടിക്കാണിക്കുന്നത്.
Read more
മധുസൂദനൻ നായർ എന്നയാളാണ് വി എസ് ശിവകുമാരിനെതിരായി പൊലീസിൽ പരാതി നൽകിയത്.നിക്ഷേപകർക്ക് വീതിച്ചുനൽകാൻ ഓണക്കാലത്ത് 14 ലക്ഷം കോൺഗ്രസ് നേതാക്കൾ മുഖേന എത്തിച്ചുനൽകിയെന്നാണ് പരാതിക്കാരന്റെ വാദം.14 ലക്ഷം രൂപ എത്തിച്ചുനൽകിയതിൽ ശിവകുമാർ ഇടപെട്ടെന്നും ഇയാൾ പറഞ്ഞു.
