യുവനേതാവിനെതിരെ ആരോപണമുയർത്തിയ യുവനടി റിനി ആൻ ജോർജിനെതിരെ പരാതി നല്കി രാഹുല് ഈശ്വര്. വ്യാജ പരാതി നല്കി തന്നെ അപമാനിക്കാന് ശ്രമിക്കുന്നുവെന്നും സാമൂഹിക വിമര്ശകനായ തന്നെ വലയ്ക്കുകയാണെന്നും കാണിച്ചാണ് രാഹുല് ഈശ്വറിന്റെ പരാതി. ഡിജിപിക്കാണ് രാഹുല് ഈശ്വര് പരാതി നല്കിയത്.
സംഭവത്തിൽ സമഗ്രാന്വേഷണം ആവശ്യപ്പെട്ടാണ് രാഹുല് ഈശ്വര് ഡിജിപിക്ക് പരാതി നല്കിയത്. തനിക്കെതിരെ പൊലീസില് വ്യാജ പരാതി നല്കി അപമാനിക്കാന് ശ്രമിക്കുന്നുവെന്നും സാമൂഹിക വിമര്ശകനായ തന്നെ വലയ്ക്കുകയാണെന്നും രാഹുൽ ഈശ്വർ പരാതിയിൽ പറയുന്നു. അതേസമയം രാഹുല് മാങ്കൂട്ടത്തിലിനെതിരെ യാതൊരു പരാതിയും തന്നെ ഇല്ലെന്ന് റിനി പൊതുവേദിയില് പറഞ്ഞിട്ടുണ്ടെന്നും രാഹുല് ഈശ്വര് നല്കിയ പരാതിയില് ചൂണ്ടിക്കാട്ടുന്നു.
ബഹുമാനത്തോടെയാണ് താന് റിനിയോട് പെരുമാറിയതെന്നും രാഹുല് പരാതിയില് ചൂണ്ടിക്കാട്ടുന്നു. രാഹുല് മാങ്കൂട്ടത്തില് എംഎല്എയ്ക്കെതിരായ ആരോപണങ്ങള്ക്ക് തെളിവുണ്ടോയെന്നതാണ് താന് ഉന്നയിച്ച ചോദ്യമെന്നും രാഹുല് പരാതിയില് ഉന്നയിക്കുന്നു. അതേസമയം ഇക്കഴിഞ്ഞ ദിവസം തനിക്കെതിരായ സൈബർ ആക്രമണങ്ങൾക്കെതിരെ റിനി നൽകിയ പരാതിയിൽ ഉടൻ നടപടി എടുക്കണമെന്ന് ഡിജിപി നിർദേശം നൽകിയിരുന്നു. രാഹുല് ഈശ്വര്, ഷാജന് സ്കറിയ, ക്രൈം നന്ദകുമാർ അടക്കമുളളവര്ക്ക് എതിരെയാണ് റിനി മുഖ്യമന്ത്രി ഉൾപ്പെടെ പരാതി നൽകിയിരുന്നത്.
Read more
