മുനമ്പം വിഷയത്തിൽ എംപി ജോൺ ബ്രിട്ടാസും കേന്ദ്രമന്ത്രി രാജ്യസഭയിൽ ഏറ്റുമുട്ടിയത് ഈ അടുത്തായിരുന്നു. അന്ന് അത് വലിയ ചർച്ചയായിരുന്നു. പലപ്പോഴും ട്രോളുകളും വന്നിരുന്നു. എന്നാൽ ഇപ്പോഴിതാ ആ വിഷയത്തിൽ ഒരു തുറന്ന് പറച്ചിൽ നടത്തിയിരിക്കുകയാണ് ജോൺ ബ്രിട്ടാസ് എംപി. മുന്ന പ്രയോഗത്തിലൂടെ ലക്ഷ്യം വെച്ചത് ജോർജ്ജ് കുര്യനെയാണെന്നും സുരേഷ് ഗോപി പെട്ടുപോയതാണെന്നുമാണ് ജോൺ ബ്രിട്ടാസ് പറഞ്ഞത്.
റിപ്പോർട്ടർ ടി വിക്ക് നൽകിയ അഭിമുഖത്തിലാണ് ജോൺ ബ്രിട്ടാസ് ഇക്കാര്യങ്ങൾ വെളിപ്പെടുത്തിയത്. രാജ്യസഭയിലെ വഴക്കിന് ശേഷം വിഴിഞ്ഞത്ത് വച്ച് സുരേഷ് ഗോപിയുമായി സൗഹൃദം പങ്കിട്ടതിനെകുറിച്ചുള്ള കാഴ്ച്ചയെ കുറിച്ചുള്ള ചോദ്യത്തിന് മറുപടി നൽകുകയായിരുന്നു ജോൺ ബ്രിട്ടാസ്. മുനമ്പം വിഷയത്തിൽ കേരളത്തെ അടിസ്ഥാനമാക്കി പാർലമെന്റിൽ മലയാളത്തിൽ സംസാരിക്കണമെന്ന് നേരത്തെ പ്ലാനുണ്ടായിരുന്നുവെന്ന് ജോൺ ബ്രിട്ടാസ് പറഞ്ഞു.
തന്റെ പരാമർശത്തിൽ പ്രശ്നം ഉണ്ടെന്ന് മനസിലാക്കിയ ജോർജ്ജ് കുര്യൻ തല താഴ്ത്തിയപ്പോഴേക്കും സുരേഷ് ഗോപി എഴുന്നേൽക്കുകയായിരുന്നു. പ്രസംഗശേഷം പരസ്പരം സംസാരിച്ചാണ് ഹാളിൽ നിന്ന് പുറത്തേക്ക് പോയതെന്നും ജോൺ ബ്രിട്ടാസ് കൂട്ടിച്ചേർത്തു. സുരേഷ് ഗോപിയുമായി ഒരുപാട് കാലത്തെ സൗഹൃദമുണ്ടായിരുന്നു എന്ന് പറഞ്ഞ ജോൺ ബ്രിട്ടാസ് അദ്ദേഹത്തിന്റെ രണ്ടാം വരവിന് നിമിത്തമായത് താനാണെന്നും കൂട്ടിച്ചേർത്തു.
Read more
