സിപിഎമ്മിനെതിരെ പരസ്യ വെല്ലുവിളിയുമായി കെപിസിസി പ്രസിഡന്റ് കെ സുധാകരന്. സിപിഎം ഓഫീസ് പൊളിക്കാന് തങ്ങളുടെ പത്ത് പേര് മതിയെന്ന് കെ സുധാകരന്റെ വെല്ലുവിളി. സിപിഎമ്മിന്റെ ഓഫീസുകള് പൊളിക്കാന് കോണ്ഗ്രസിന് ഒറ്റ രാത്രി മതിയെന്നും കെ സുധാകരന് കൂട്ടിച്ചേര്ത്തു.
സിപിഎമ്മിന്റെ ഓഫീസ് പൊളിക്കുക എന്നത് വലിയ പണിയല്ല. തങ്ങളുടെ പത്ത് പിള്ളേരെ അയച്ച് കാണിച്ചു തരാം എന്നും കെ സുധാകരന് പറഞ്ഞു. പിണറായിയില് അടിച്ചു തകര്ത്ത കോണ്ഗ്രസ് ഓഫീസ് ഉദ്ഘാടനം ചെയ്യുന്നതിനിടെയായിരുന്നു വെല്ലുവിളി. തങ്ങള്ക്ക് നിങ്ങളുടെ കെട്ടിടം പൊളിക്കാന് കഴിയില്ലെന്നാണോ നിങ്ങള് കരുതുന്നതെന്നും സുധാകരന് ചോദിച്ചു.
Read more
അന്തസ്സുള്ള നേതാവിന്റെ മാന്യത പഠിക്കാന് മുഖ്യമന്ത്രി പിണറായി വിജയന് തയ്യാറായില്ലെങ്കില് അതിന് കോണ്ഗ്രസ് പ്രസ്ഥാനം തയ്യാറാകേണ്ടി വരുമെന്ന് കെ സുധാകരന് പറഞ്ഞു. കഴിഞ്ഞ ദിവസം ആയിരുന്നു പിണറായി വെണ്ടുട്ടായിയില് കോണ്ഗ്രസ് ഓഫീസ് അക്രമികള് തകര്ത്തത്. ആക്രമണത്തിന് പിന്നില് സിപിഎം ആണെന്നായിരുന്നു കോണ്ഗ്രസ് ആരോപണം.
