കണ്ണൂരില്‍ ട്രെയിനുകള്‍ക്ക് നേരെ ആ്രകമണം. ഇന്നലെ രാത്രി മിനിട്ടുകളുടെ വ്യത്യാസത്തിനിടെയാണ് രണ്ടു ട്രെയിനുകള്‍ക്ക് നേരെ കല്ലേറ് ഉണ്ടായിരിക്കുന്നത്.
തിരുവനന്തപുരത്തു നിന്നും മുംബൈയിലേക്ക് പോവുകയായിരുന്ന നേത്രാവതി എക്‌സ്പ്രസിനും ചെന്നൈയിലേക്ക് പോവുകയായിരുന്ന ചെന്നൈ സൂപ്പര്‍ ഫാസ്റ്റ് എക്‌സ്പ്രസിനും നേരെയാണ് കല്ലേറുണ്ടായത്.
രണ്ടു ട്രെയിനുകളുടെയും എസി കോച്ചിലെ ജനല്‍ ചില്ലുകള്‍ക്ക് നേരെയാണ് ആക്രമണം ഉണ്ടായത്. ചില്ല് പൂര്‍ണമായും തകര്‍ന്നതോടെ ട്രെയിനുകള്‍ വേഗം കുറച്ച് മംഗലാപുരത്തും ഷൊര്‍ണൂരും എത്തി ഇവ മാറ്റിയാണ് യാത്ര തുടര്‍ന്നത്.
Read more
രാത്രി 7.11 നും 7.16 നും ആണ് ആക്രമണം ഉണ്ടായത്. റെയില്‍വേ പൊലീസ് കേസെടുത്ത് അന്വേഷണം ആരംഭിച്ചു. സംഭവത്തെ തുടര്‍ന്ന് ഈ റൂട്ടില്‍ ട്രെയിനുകള്‍ അരമണിക്കൂറോളം പിടിച്ചിട്ടു.
