കൊച്ചിയിലെ ഹോട്ടലില്‍ ലഹരി വില്‍പ്പന നടത്തിയതിനെ തുടര്‍ന്ന് യുവതി അടക്കം എട്ടു പേര്‍ അറസ്റ്റില്‍. കൊച്ചി മാമംഗലത്തെ ഗ്രാന്റെ കാസ ഹോട്ടലിലാണ് ഹോട്ടലില്‍ റൂമെടുത്ത് ലഹരി വില്‍പ്പന നടത്തുകയായിരുന്നു. സംഭവത്തില്‍ യുവതിയടക്കം എട്ട് പേരെ അറസ്റ്റ് ചെയ്തു. മൂന്ന് വാഹങ്ങളും പിടിച്ചെടുത്തു.
ആലുവ സ്വദേശി റെച്ചു റഹ്മാൻ , മലപ്പുറം സ്വദേശി മുഹമ്മദ് അലി, തൃശൂർ സ്വദേശി ബിബീഷ് , കണ്ണൂർ സ്വദേശി സൽമാൻ, കൊല്ലം സ്വദേശികളായ ഷിബു, ജുബൈ൪, കൊല്ലം സ്വദേശി തൻസീല, ആലപ്പുഴ സ്വദേശി ശരത് എന്നിവരെയാണ് അറസ്റ്റ് ചെയ്തത്.
എക്‌സൈസും കസ്റ്റംസും ചേര്‍ന്ന് ഹോട്ടല്‍ മുറിയില്‍ നടത്തിയ പരിശോധനയില്‍ ഇവരില്‍ നിന്നും 55ഗ്രാം എം ഡിഎഎഎ പിടിച്ചെടുത്തു. ബാംഗ്ലൂരില്‍ നിന്നാണ് ലഹരി എത്തിച്ചത്.
കൊല്ലം സ്വദേശികളാണ് ലഹരി വാങ്ങാനായി എത്തിയത്.ദുബായില്‍ വെച്ചാണ് ഇവര്‍ക്ക് വില്‍പ്പനക്കാരെ പരിചയപ്പെട്ടത്. പിടിയിലായവര്‍ നേരത്തയും ലഹരിക്കേസില്‍ പ്രതികളായവരാണ്.
