കൊച്ചിയിലെ കടകളില് ക്യുആര്കോഡ് മാറ്റിയൊട്ടിച്ച് തട്ടിപ്പ്. കടയില് വെച്ചിട്ടുള്ള ക്യുആര്കോഡിന് മുകളില് പേപ്പറില് പ്രിന്റ് എടുത്ത വേറെ ഒരു കോഡ് ഒട്ടിച്ചാണ് തട്ടിപ്പ് നടത്തിയിരുന്നത്. കാക്കനാടുള്ള രണ്ട് കടകളില് നിന്നും ഇത്തരത്തില് അയ്യായിരം രൂപയോളം തട്ടിയെടുക്കപ്പട്ടു. പടമുകളില് മത്സ്യക്കച്ചവടം നടത്തുന്ന ഉസ്മാനും, മാംസക്കച്ചവടം നടത്തുന്ന സാദിക്കുമാണ് തട്ടിപ്പിന് ഇരയായത്.
കടകളില് സാധനങ്ങള് വാങ്ങാന് എത്തുന്നവര് ക്യുആര്കോഡിലൂടെ അയക്കുന്ന പണം മറ്റൊരു അക്കൗണ്ടിലേക്കാണ് പോയി കൊണ്ടിരുന്നത്. ഇത് വ്യാപാരികള് അറിഞ്ഞിരുന്നില്ല. മത്സ്യം വാങ്ങാനെത്തിയവര് അയക്കുന്ന പണം അക്കൗണ്ടില് വീഴുന്നില്ലെന്ന് കണ്ട് പരിശോധിച്ചപ്പോഴാണ് തട്ടിപ്പിനെ കുറിച്ച് മനസ്സിലായത്.
Read more
രണ്ട് കടകളിലും മാറ്റിയൊട്ടിച്ചിരിക്കുന്നത് ഒരേ ക്യുആര്കോഡ് ആണ്. ഇപ്പോള് ഇത് പ്രവര്ത്തനക്ഷമമല്ലാത്തതിനാല് തട്ടിപ്പ് നടത്തിയിരിക്കുന്നത് ആരാമെന്ന് കണ്ടെത്താനായിട്ടില്ല. സംഭവത്തില് പൊലീസിന് പരാതി നല്കിയിട്ടുണ്ട്.
