സംസ്ഥാനത്തെ ജനുവരി മാസത്തെ റേഷന് വിതരണം നാളെ വരെ നീട്ടിയതായി ഭക്ഷ്യ പൊതുവിതരണ വകുപ്പ് മന്ത്രി ജി ആര് അനില് അറിയിച്ചു. ആറാം തീയതി മാസാന്ത്യ കണക്കെടുപ്പുമായി ബന്ധപ്പെട്ട് റേഷന് വ്യാപാരികള്ക്ക് അവധി ആയിരിക്കുന്നതും 7 മുതല് ഫെബ്രുവരി മാസത്തെ റേഷന് വിതരണം ആരംഭിക്കുമെന്നും മന്ത്രി അറിയിച്ചു. സംസ്ഥാനത്ത് ഇന്നലെ വൈകിട്ട് 5.15 വരെ 77.96 ശതമാനം കാര്ഡ് ഉടമകള് റേഷന് കൈപ്പറ്റിയിട്ടുണ്ട്. സംസ്ഥാനത്തെ മുന്ഗണനാ വിഭാഗത്തില്പ്പെട്ട എ.എ.വൈ കാര്ഡുകാരില് 95.61 ശതമാനവും പി.എച്ച്.എച്ച് വിഭാഗത്തില് 91.37 ശതമാവും റേഷന് കൈപ്പറ്റിയിട്ടുണ്ട്.
ഗതാഗത കരാറുകാരുടെ പണിമുടക്ക് കാരണം ഭക്ഷ്യധാന്യങ്ങളുടെ വാതില്പ്പടി വിതരണം പൂര്ത്തീകരിക്കുന്നതില് കാലതാമസമുണ്ടായിരുന്നു. എന്നാല് കഴിഞ്ഞ 9 ദിവസമായി വാതില്പ്പടി വിതരണം പരമാവധി വേഗതയില് നടന്നു വരികയാണ്. എന്നാല്, സംസ്ഥാനത്തെ ചില റേഷന് കടകളില് മുഴുവന് കാര്ഡുകാര്ക്കും വിതരണം ചെയ്യുന്നതിന് ആവശ്യമായ ഭക്ഷ്യധാന്യങ്ങള് എത്തിയിട്ടില്ല എന്ന വിവരം ശ്രദ്ധയില്പ്പെട്ടിട്ടുണ്ടെന്നും ഈ സാഹചര്യത്തിലാണ് ജനുവരി മാസത്തെ റേഷന് വിതരണം നാളെ വരെ ദീര്ഘിപ്പിച്ചതെന്നും മന്ത്രി അറിയിച്ചു.
Read more
ചില എന്.എഫ്.എസ്.എ ഗോഡൗണുകളിലെ കയറ്റിറക്ക് ജീവനക്കാരുടെ ഭാഗത്തു നിന്നും വേണ്ടത്ര സഹകരണം ലഭിക്കാത്തത് വാതില്പ്പടി വിതരണം സമയബന്ധിതമായി പൂര്ത്തിയാക്കുന്നതിന് തടസമായിട്ടുണ്ട്. ജനങ്ങള്ക്കുള്ള റേഷന് ഭക്ഷ്യധാന്യങ്ങള് സമയബന്ധിതമായി എത്തിക്കാനുള്ള ചുമതല സര്ക്കാരിനെ പോലെ തന്നെ ഈ മേഖലയില് പ്രവര്ത്തിക്കുന്ന കയറ്റിറക്ക് ജീവനക്കാര്ക്കും വിവിധ തൊഴിലാളി സംഘടനകള്ക്കും ഉണ്ടെന്നും മന്ത്രി പറഞ്ഞു. സംസ്ഥാനത്തെ റേഷന് വിതരണം സുഗമമായി നടത്തുന്നതിന് ഈ മേഖലയില് പ്രവര്ത്തിക്കുന്ന എല്ലാവരുടെയും സഹകരണം ഉണ്ടാകണമെന്നും മന്ത്രി കൂട്ടിച്ചേര്ത്തു.
