ഏരുമേലിയിലെ പൊന്തന്പുഴ വനത്തിന്റെ ഭാഗമായുള്ള കനകപ്പലം വനത്തില് തൂങ്ങി മരിച്ച അജ്ഞാതന്റെ മൃതദേഹം താഴെയിറക്കാന് ആശ്യപ്പെട്ടത് 5000 രൂപ. അത്രയം പണം നല്കാന് ഇല്ലാത്തതിനെ തുടര്ന്ന് എസ്ഐ തന്നെ മരത്തില് കയറി മൃതദേഹം താഴെയിറക്കി. ഇന്നലെ ഉച്ചയോടെയാണ് പുരുഷനെ തൂങ്ങി മരിച്ച നിലയില് വനത്തിനുള്ളില് കണ്ടെത്തിയത്. സംഭവമറിഞ്ഞു പൊലീസും നിരവധി പേരും സ്ഥലത്ത് എത്തിയിരുന്നു.
Read more
മൃതദേഹം താഴെയിറക്കാന് സഹായിക്കാമോയെന്ന് കൂടി നിന്നവരോട് പൊലീസ് ചോദിച്ചിരുന്നു. എന്നാല്, ദുര്ഗന്ധം മൂലം ആരും ഇതിന് തയ്യാറായില്ല. ഇതിനിനെ തുടര്ന്ന് മൃതദേഹം താഴെയിറക്കാമെന്നേറ്റ് ഒരാളെത്തിയെങ്കിലും 5000 രൂപ ആയാള് പൊലീസിനോട് ആവശ്യപ്പെട്ടു. എന്നാല് ഇത് നല്കാന് ഇല്ലാത്തതിനെ തുടര്ന്ന് എസ്ഐ ഇ.ജി.വിദ്യാധരന് ഷൂസ് അഴിച്ചു വെച്ച് 40 ഇഞ്ചോളം വണ്ണമുള്ള മരത്തില് കയറി. 15 അടി ഉയരത്തില് ചെന്നു കെട്ടഴിച്ചു സാവധാനം മൃതദേഹം താഴെയിറക്കി. തുടര്ന്നു മൃതദേഹം പോസ്റ്റ്മോര്ട്ടത്തിനായി കോട്ടയം മെഡിക്കല് കോളജിലേക്ക് മാറ്റി.