രാഹുല്‍ ഗാന്ധിയെ അയോഗ്യനാക്കിയതില്‍ പ്രതിഷേധിച്ച് ഭാരത ബന്ദ് പ്രഖ്യാപിക്കണമെന്ന് ആഹ്വാനം ചെയ്ത യൂത്ത് കോണ്‍ഗ്രസ് സംസ്ഥാന വൈസ് പ്രസിഡണ്ട് റിജില്‍ മാക്കുറ്റിക്കെതിരെ കേസ്. ഫെയ്‌സ്ബുക്ക് പോസ്റ്റിലൂടെ കലാപത്തിന് ആഹ്വാനം ചെയ്‌തെന്ന കുറ്റം ചുമത്തിയാണ് കേസെടുത്തിരിക്കുന്നത്.
ബിജെപി കണ്ണൂര്‍ ജില്ലാ വൈസ് പ്രസിഡന്റിന്റെ പരാതിയില്‍ കണ്ണൂര്‍ പൊലീസാണ് കേസ് എടുത്തിരിക്കുന്നത്. ഫെയ്‌സ്ബുക്ക് പോസ്റ്റിലൂടെ കലാപം ഉണ്ടാക്കാനുള്ള ഉദ്ദേശത്തോടെ പ്രചരണം നടത്തി എന്നാണ് എഫ്‌ഐആറില്‍ പറയുന്നത്.
”ഇതൊരു അന്തിമ പോരാട്ടമാണ് പ്രവര്‍ത്തിക്കുക അല്ലെങ്കില്‍ മരിക്കുക. ഇതിനുമപ്പുറം മറ്റെന്ത് വരാന്‍, നേതൃത്വം ഭാരത ബന്ദ് പ്രഖ്യാപിക്കണം. രാജ്യത്തെ തെരുവുകള്‍ കലുഷിതമാക്കണം. ക്വിറ്റ് മോദി” എന്നാണ് റിജില്‍ മാക്കുറ്റി ഫെയ്‌സ്ബുക്കില്‍ എഴുതിയത്.
Read more
”പോരാട്ടം തീജ്വാലയായി പടരും നരേന്ദ്ര മോദി കള്ളനാണ് ആയിരം തവണ ഉച്ചത്തില്‍ വിളിച്ച് പറയുന്നു. കേസ് എടുക്കാമെങ്കില്‍ കേസ് എടുക്ക്
മോദിയുടെയും അമിട്ടിന്റെയും തന്തയുടെ വകയല്ല ഇന്ത്യ രാഹുല്‍ ഗാന്ധിക്ക് ഐക്യദാര്‍ഡ്യം പ്രഖ്യാപിച്ച് തൃശ്ശൂരില്‍ യൂത്ത് കോണ്‍ഗ്രസ്സ് നടത്തിയ പ്രതിഷേധത്തില്‍” എന്നാണ് മറ്റൊരു പോസ്റ്റില്‍ റിജില്‍ കുറിച്ചത്.
