ശബരിമലയിലെ സ്വർണ മോഷണ വിവാദത്തിൽ മുഖ്യമന്ത്രി പിണറായി വിജയനെ പരിഹസിച്ച് മുൻ ബിജെപി സംസ്ഥാന അധ്യക്ഷൻ കെ സുരേന്ദ്രൻ. മുഖ്യമന്ത്രിക്ക് സ്വര്ണം ഒരു വീക്ക്നെസ് ആണെന്ന് പറഞ്ഞ കെ സുരേന്ദ്രൻ സ്വര്ണം കൊണ്ടുപോയി ചെമ്പ് ആക്കി മാറ്റുന്നതിനെയാണ് ചെമ്പട, ചെമ്പട എന്ന് പറയുന്നതെന്നും പരിഹാസം ഉയർത്തി.
മുഖ്യമന്ത്രി ഔറംഗസേബിനേക്കാള് വലിയ കൊള്ളക്കാരനാണെന്നും കെ സുരേന്ദ്രൻ പറഞ്ഞു. മുഖ്യമന്ത്രി പിണറായി വിജയന് സ്വര്ണം ഒരു വീക്ക്നെസ് ആണ്. സ്വര്ണത്തിന് ഒരു ലക്ഷം രൂപ വിലവരുമെന്ന് ഉപദേശകന് പറഞ്ഞുകൊടുത്തുകാണും. സ്വര്ണക്കടത്തുകാരില് നിന്നും ഇവര് സ്വര്ണം തട്ടിപ്പറിക്കുന്നുവെന്നും കെ സുരേന്ദ്ര പറഞ്ഞു.
അതേസമയം ശബരിമലയിലെ സ്വർണ്ണക്കവർച്ച സിബിഐ അന്വേഷിക്കണമെന്നും കെ സുരേന്ദ്രന് ആവശ്യപ്പെട്ടു. ശബരിമല സുപ്രീംകോടതി വിധിക്ക് പിന്നാലെയാണ് സ്വര്ണം തട്ടിയെടുത്തത്. ശബരിമല സംഘര്ഷ സാഹചര്യത്തിലാണ് തട്ടിപ്പ് നടന്നതെന്നും കെ സുരേന്ദ്രന് ആരോപിച്ചു. ഒന്നും ഒളിച്ചുവെക്കാനില്ലെങ്കില് എന്തുകൊണ്ടാണ് ദേവസ്വം വിജിലന്സ് കേസ് അന്വേഷിക്കുന്നതെന്നും കെ സുരേന്ദ്രൻ ചോദിച്ചു.
സ്വര്ണം കൊണ്ടുപോകുക ചെമ്പ് ആക്കി മാറ്റുകയെന്നതാണ് ചെയ്യുന്നത്. ചെമ്പട, ചെമ്പട എന്നാണ് പറയുന്നത്. വീരപ്പന് ഇതിലും മാന്യനാണ്. കായംകുളം കൊച്ചുണ്ണി നല്ല കള്ളന്. ശബരിമലയില് ഇരുന്നു ആസൂത്രണം ചെയ്തതാണ് ഇതെല്ലാം. പാപക്കറ കഴുകി കളയാനാണ് അയ്യപ്പ സംഗമം നടത്തിയത്. ആയിരം വട്ടം പമ്പയിലോ ഗംഗയിലോ മുങ്ങിയാലും പാപം മാറില്ലെന്നും സുരേന്ദ്രന് പറഞ്ഞു. പിണറായിയും കടകംപള്ളിയും അറിയാതെ തട്ടിപ്പ് നടക്കില്ലെന്നും മുഖ്യമന്ത്രി പറഞ്ഞു.
Read more
