മുഖ്യമന്ത്രി പിണറായി വിജയൻ കേവല ഭൗതികവാദിയല്ല, വൈരുദ്ധ്യാത്മക ഭൗതികവാദിയാണെന്ന് സിപിഎം നേതാവ് എകെ ബാലൻ. ലോകത്തിൻ്റെ മുൻപാകെ ഞാൻ വൈരുദ്ധ്യാത്മക ഭൗതിവാദം ഉയർത്തിപ്പിടിക്കുന്ന ആളാണെന്ന് എല്ലാദിവസവും പറയേണ്ട ആവശ്യമില്ല. പിണറായി വിജയൻ അയ്യപ്പഭക്തനാണെന്ന പ്രചരണം നടക്കുന്നു. എന്നാൽ പിണറായി വിജയൻ കമ്യൂണിസ്റ്റാണെന്നും എകെ ബാലൻ പറഞ്ഞു.

“കേരളത്തിന്റെ മുഖ്യമന്ത്രി പിണറായി വിജയൻ അയ്യപ്പഭക്തനാണ്, അത് തുറന്നുപറയണം എന്നൊക്കെയാണ് ഇപ്പോൾ പലരും പറയുന്നത്. അത് ഒരു പ്രചാരണത്തിന് വേണ്ടി ഇപ്പോൾ നല്ലരൂപത്തിൽ ഉപയോഗിക്കുന്നുണ്ട്. രാഷ്ട്രീയത്തെ സംബന്ധിച്ചും ഞങ്ങൾ കൈകാര്യം ചെയ്യുന്ന മാർക്സിസത്തെ സംബന്ധിച്ചും അറിവുള്ള ഒരാളും ഇത് ചോദിക്കില്ല. പിണറായി കമ്യൂണിസ്റ്റാണ്. കേവല ഭൗതികവാദിയല്ല. വൈരുദ്ധ്യാത്മക ഭൗതികവാദിയാണ്. പ്രസവ വാർഡിൻ്റെ മുന്നിൽ ഇവിടെ പ്രസവം സ്ത്രീകൾക്ക് മാത്രം എന്ന് ആരും എഴുതിവെക്കാറില്ലല്ലോ”- എകെ ബാലൻ പറഞ്ഞു.

Read more

'സ്ത്രീകളോട് അതിക്രമം കാണിക്കുന്നവരുടെ വീഡിയോ എടുത്ത് പരസ്യപ്പെടുത്തി അവരെ നാണം കെടുത്തണം': പ്രതികരിച്ച് ചിന്മയി ശ്രീപദ

'ഒരു ആവശ്യവും ഇല്ലാത്ത കാമിയോ, ഗില്ലി ബാലയുടെ അത്ര കോമാളി ആയിട്ടില്ല'; 'ചത്താ പച്ച'യിലെ മമ്മൂട്ടിയുടെ കാമിയോ റോൾ ചർച്ചയാകുന്നു

അത് പാടി എയറിലാകുമെന്ന് മമിത പോലും വിചാരിച്ചിട്ടുണ്ടാവില്ല; രണ്ട് ദിവസം മാത്രമാണ് നല്ലവനായ ഉണ്ണി വേഷം ഷൂട്ട് ചെയ്തത്,അതോടെ ഷർവാണി ഇടാൻ കഴിയാതെയായി: പിഷാരടി

യഷിന്റെ 'ടോക്സിക്' ടീസർ വിവാദം; ഇൻസ്റ്റാഗ്രാം അക്കൗണ്ട് ഡിലീറ്റ് ചെയ്ത് നടി

നമ്മളൊക്കെ എത്ര ചെറിയവരാണല്ലേ? എന്ന് ശ്രീനി ചോദിച്ചു, ആ കത്ത് വായിച്ച് ഏങ്ങിയേങ്ങി കരഞ്ഞു; ഓർമക്കുറിപ്പ് പങ്കുവച്ച് സത്യൻ അന്തിക്കാട്

വെള്ളാപ്പള്ളി നടേശൻ പറഞ്ഞത് അദ്ദേഹത്തിന്റെ അഭിപ്രായമാണെന്നും എകെ ബാലൻ പറഞ്ഞു. മുഖ്യമന്ത്രി പിണറായി വിജയൻ അയ്യപ്പഭക്തനായെന്നും അയ്യപ്പനെ അദ്ദേഹം ഹൃദയംകൊണ്ട് സ്വീകരിച്ചെന്നുമാണ് എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ നേരത്തെ പറഞ്ഞിരുന്നത്. ആഗോള അയ്യപ്പസംഗമത്തിൽ പങ്കെടുത്തതിന് പിന്നാലെയായിരുന്നു വെള്ളാപ്പള്ളിയുടെ പ്രതികരണം.