കൂടത്തായി കേസില്‍ ബി.എസ്.എന്‍.എല്‍ ജീവനക്കാരനായ ജോണ്‍സന്റെ രഹസ്യമൊഴി പൊലീസ് രേഖപ്പെടുത്തും. ഇത് സംബന്ധിച്ച് നാളെ കോഴിക്കോട് ജുഡിഷ്യല്‍ ഫസ്റ്റ്ക്ലാസ് മജിസ്ട്രേറ്റ് കോടതിയില്‍ പൊലീസ് ഹര്‍ജി സമര്‍പ്പിക്കും.
അതേസമയം, കൂടത്തായി അന്നമ്മ വധക്കേസില്‍ ജോളി ജോസഫിനെ അറസ്റ്റ് ചെയ്യാന്‍ കോടതി അനുമതി നല്‍കിയിട്ടുണ്ട്. കോഴിക്കോട് ജില്ലാ ജയിലിലെത്തി അന്വേഷണസംഘം അറസ്റ്റ് രേഖപ്പെടുത്തും. 2002- ല്‍ കൊല്ലപ്പെട്ട പൊന്നാമറ്റം അന്നമ്മയുടേതാണ് കൂടത്തായി കൊലപാതക പരമ്പരയിലെ ആദ്യ കേസ്. ആട്ടിന്‍ സൂപ്പില്‍ കലര്‍ത്തിയ വിഷം അകത്ത് ചെന്നായിരുന്നു അന്നമ്മ മരിച്ചത്.
Read more
കഴിഞ്ഞ ദിവസത്തെ ചോദ്യം ചെയ്യലില്‍ വ്യാജ ഒസ്യത്തുമായി ബന്ധപ്പെട്ട നിര്‍ണായക വിവരങ്ങള്‍ അന്വേഷണ സംഘത്തിന് ലഭിച്ചിട്ടുണ്ട് കൂടാതെ വ്യാജ ഒസ്യത്ത് തയ്യാറാക്കാന്‍ ഉപയോഗിച്ചതെന്ന് കരുതുന്ന ടൈപ്പ്റൈറ്ററും പൊന്നാമറ്റത്തെ വീട്ടില്‍ നിന്ന് അന്വേഷണസംഘം കണ്ടെത്തിയിരുന്നു.
