കേരള തീരത്തിനടുത്ത് പുറംകടലില്‍ ചരക്കുകപ്പല്‍ എംഎസ്സി എല്‍സ 3 മുങ്ങിയ സംഭവത്തില്‍ നിര്‍ണായക നീക്കവുമായി കോസ്റ്റല്‍ പൊലീസ്. കപ്പലിലെ അഞ്ച് നാവികരുടെ പാസ്‌പോര്‍ട്ട് പൊലീസ് പിടിച്ചെടുത്തു. കപ്പലിന്റെയും കണ്ടെയ്നറുകളുടെയും വിശദാംശങ്ങള്‍ ആവശ്യപ്പെട്ട് കപ്പല്‍ കമ്പനിക്ക് കോസ്റ്റല്‍ പൊലീസ് നോട്ടീസ് നല്‍കി.
ചരക്കുകപ്പല്‍ മുങ്ങിയ സംഭവുമായി ബന്ധപ്പെട്ട് കഴിഞ്ഞ ദിവസമായിരുന്നു ഫോര്‍ട്ട് കൊച്ചി പൊലീസ് കേസെടുത്തത്. കേസെടുക്കാന്‍ വൈകിയതിനെ തുടര്‍ന്ന് വലിയ രീതിയിലുള്ള വിമര്‍ശനങ്ങള്‍ ഉയര്‍ന്നിരുന്നു. കപ്പല്‍ കമ്പനിയെ ഒന്നാം പ്രതിയാക്കിയായിരുന്നു പൊലീസ് കേസെടുത്തത്.
Read more
കപ്പല്‍ മുങ്ങിയതിന് പിന്നാലെ രക്ഷപ്പെടുത്തിയ നാവികരെല്ലാവരും നിലവില്‍ കൊച്ചിയിലാണുള്ളത്. ഇവരില്‍ ചിലര്‍ക്ക് കോവിഡ് സ്ഥിരീകരിച്ചതിനാല്‍ ഇവര്‍ നിരീക്ഷണത്തിലാണ്. അതുകൊണ്ടുതന്നെ ഇവരുടെ മൊഴിയെടുക്കാന്‍ പൊലീസിന് സാധിച്ചിട്ടില്ല.
