മുഖ്യമന്ത്രി പിണറായി വിജയന് എതിരെയുള്ള വിമാനത്തിലെ പ്രതിഷേധത്തെ തുടര്‍ന്ന് മുന്‍ എംഎല്‍എയും കെഎസ് യു സംസ്ഥാന വൈസ് പ്രസിഡന്റുമായ കെ എസ് ശബരിനാഥനെ അറസ്റ്റ് ചെയ്തതില്‍ പ്രതികരണവുമായി രാഹുല്‍ മാങ്കൂട്ടത്തില്‍. എസ്എഫ്‌ഐ സംസ്ഥാന സെക്രട്ടറിയെ പോലെ സഹപാഠിയെ കൊല്ലാന്‍ ശ്രമിച്ചതിനല്ല സ്വര്‍ണ്ണക്കടത്ത് കേസില്‍ പിണറായിയെ കരിങ്കൊടി കാണിക്കാന്‍ ആഹ്വാനം ചെയ്തതിനാണ് ശബരിനാഥിനെ അറസ്റ്റ് ചെയ്തതെന്ന് അദ്ദേഹം ഫെയ്‌സ്ബുക്കില്‍ കുറിച്ചു.
പിണറായിയെ കരിങ്കൊടി കാണിച്ചാല്‍ അറസ്റ്റ് ചെയ്ത് തുറങ്കിലടയ്ക്കുമെങ്കില്‍ കേരളത്തിലെ ജയിലുകള്‍ പോരാതെ വരുമല്ലോയെന്നും അദ്ദേഹം ചോദിച്ചു.
ഫെയ്‌സ്ബുക്ക് കുറിപ്പിന്റെ പൂര്‍ണരൂപം:
യൂത്ത് കോണ്‍ഗ്രസ്സ് സംസ്ഥാന ഉപാധ്യക്ഷന്‍ K S ശബരിനാഥന്റെ അറസ്റ്റ് പിണറായി പോലീസ് രേഖപ്പെടുത്തി…. SFI സംസ്ഥാന സെക്രട്ടറിയെ പോലെ സഹപാഠിയെ കൊല്ലാന്‍ ശ്രമിച്ചതിനല്ല… പിന്നെ എന്തിനാണെന്നറിയുമോ? സ്വര്‍ണ്ണക്കടത്ത് കേസില്‍ പിണറായിയെ കരിങ്കൊടി കാണിക്കാന്‍ ആഹ്വാന്‍ ചെയ്തത്രേ… പിണറായിയെ കരിങ്കൊടി കാണിച്ചാല്‍ അറസ്റ്റ് ചെയ്ത് തുറങ്കിലടയ്ക്കുമെങ്കില്‍ കേരളത്തിലെ ജയിലുകള്‍ പോരാതെ വരുമല്ലോ….
