കേരളത്തിലെ പ്രമുഖ സാമ്പത്തിക സ്ഥാപനമായ ഐസിഎൽ ഫിൻകോർപ് ലിമിറ്റഡ് ഗോത്രവർഗ മേഖലയിൽ ഭാവനാ നവീകരണവും അടിസ്ഥാന സൗകര്യങ്ങളും ഒരുക്കി സാമൂഹിക പ്രതിബദ്ധതയുടെ പുതു വഴി തുറക്കുന്നു. ചാലക്കുടി നിയോജക മണ്ഡലത്തിലെ ആതിരപ്പള്ളി ഗ്രാമപ്പഞ്ചായത്തിലെ തവളക്കുഴിപ്പാറ ഉന്നതിയിലെ മലയൻ വിഭാഗത്തിൽ പെട്ട 35 കുടുംബങ്ങൾക്കായാണു ക്ഷേമ പദ്ധതി നടപ്പിലാക്കുന്നത്.
ഐസിഎൽ ഫിൻകോർപ് ലിമിറ്റഡ് ചെയർമാനും മാനേജിങ് ഡയറക്ടറും ആയ അഡ്വ. കെ ജി അനിൽകുമാറിന്റെ മകന്റെ വിവാഹത്തോടനുബന്ധിച്ചു നടപ്പിലാക്കിയ ക്ഷേമ പദ്ധതിയിൽ ഒന്നാണിത്. ചാലക്കുടി എം എൽ എ സതീഷ്കുമാർ ജോസഫിന്റെ അഭ്യർത്ഥനയെ തുടർന്നാണ് തവളക്കുഴിപ്പാറ ഉന്നതിയെ തിരഞ്ഞെടുത്തിട്ടുള്ളത്.
Read more
ക്ഷേമ പദ്ധതിയുടെ ഉദ്ഘാടനം ഫെബ്രുവരി 27ആം തിയതി രാവിലെ 10.00 മണിക്ക് ഉന്നതിയിൽ ചേർന്ന ചടങ്ങിൽ മുൻ കേരള സംസ്ഥാന ആഭ്യന്തര വകുപ്പ് മന്ത്രി ശ്രീ. രമേശ് ചെന്നിത്തല നിർവഹിച്ചു. ഐ സി എൽ ഫിൻകോർപ് ലിമിറ്റഡ് ചെയർമാനും മാനേജിങ് ഡയറക്ടറും ആയ അഡ്വ. കെ ജി അനിൽകുമാർ, ബോർഡ് ഡയറക്ടർ ഉമാ അനിൽകുമാർ, ചാലക്കുടി എം. എൽ. എ. സനീഷ് കുമാർ ജോസഫ് തുടങ്ങിയവർ പങ്കെടുത്തു.
