പാതിവില തട്ടിപ്പ് കേസില് കോണ്ഗ്രസ് നേതാവ് ലാലി വിന്സന്റിന് മുന്കൂര് ജാമ്യം. ഹൈക്കോടതിയാണ് കേസില് ലാലി വിന്സന്റിന് മുന്കൂര് ജാമ്യം അനുവദിച്ചത്. ലാലി വിന്സെന്റ് അഭിഭാഷക ഫീസ് മാത്രമാണ് വാങ്ങിയതെന്ന നിരീക്ഷണത്തിലാണ് ഹൈക്കോടതി മുന്കൂര് ജാമ്യം അനുവദിച്ചത്.
എന്നാല് അന്വേഷണ കമ്മീഷന് ആവശ്യപ്പെട്ടാലുടന് ചോദ്യം ചെയ്യലിന് ഹാജരാകണമെന്നും ലാലി വിന്സന്റിന് കോടതി നിര്ദ്ദേശമുണ്ട്. അതേസമയം കേസില് പ്രതികള് മൂന്നാഴ്ചക്കുള്ളില് കീഴടങ്ങണമെന്ന് ഹൈക്കോടതി ഉത്തരവിട്ടു. മുന്കൂര് ജാമ്യഹര്ജി പരിഗണിക്കുന്നതിനിടെയാണ് അന്വേഷണ കമ്മീഷന് മുമ്പാകെ ഹാജരാകാന് ഹൈക്കോടതിയുടെ നിര്ദ്ദേശം.
Read more
കേസില് മുഖ്യപ്രതികള് ഒഴികെ കോടതിയെ സമീപിച്ച മറ്റ് പ്രതികളോടാണ് മൂന്നാഴ്ചക്കുള്ളില് അന്വേഷണ കമ്മിഷന് മുമ്പാകെ ഹാജരാകാന് ഹൈക്കോടതി നിര്ദ്ദേശിച്ചത്. അന്വേഷണ കമ്മിഷന് മുമ്പാകെ ഹാജരാകുന്ന പ്രതികളെ അറസ്റ്റ് രേഖപ്പെടുത്തിയശേഷം മജിസ്ട്രേറ്റ് കോടതിയില് ഹാജരാക്കണമെന്നും കോടതി നിര്ദ്ദേശിച്ചിട്ടുണ്ട്.
