സര്ക്കാര് ജീവനക്കാര് സ്വന്തമായി യൂ ട്യൂബ് ചാനല് തുടങ്ങാന് പാടില്ലെന്ന് സര്ക്കാര്. യൂട്യൂബ് ചാനല് തുടങ്ങാനുള്ള അനുമതി തേടി ഒരു അഗ്നിശമന സേനാംഗം നല്കിയ അപേക്ഷ നിരസിച്ചാണ് ആഭ്യന്തര വകുപ്പിന്റെ ഉത്തരവ്.
പെരുമാറ്റ ചട്ടപ്രകാരം സര്ക്കാര് ജീവനക്കാര്ക്ക് യുട്യൂബ് ചാനല് തുടങ്ങുന്നതിന് അനുമതി നല്കാന് കഴിയില്ലെന്നാണ് ഫെബ്രുവരി മൂന്നിന് പുറത്തിറങ്ങിയ ഉത്തരവ് വിശദമാക്കുന്നത്. അഡീഷണല് ചീഫ് സെക്രട്ടറിയുടേതാണ് ഉത്തരവ്. തിരുവനന്തപുരം ഫയര് ആന്ഡ് റെസ്ക്യൂ ഡയറക്ടര് ജനറലിനാണ് ഉത്തരവ് നല്കിയിട്ടുള്ളത്.
Read more
ഇന്റര്നെറ്റിലോ, സോഷ്യല് മീഡിയയിലോ ഒരു വീഡിയോയോ ലേഖനമോ പോസ്റ്റ് ചെയ്യുന്നത് വ്യക്തിഗത പ്രവര്ത്തനമായും ക്രിയാത്മക സ്വാതന്ത്ര്യമായും കണക്കാക്കാമെങ്കിലും യുട്യൂബില് അപ്ലോഡ് ചെയ്യുന്ന വീഡിയോകള് ഒരു നിശ്ചിത എണ്ണത്തില് കൂടുതല് വ്യക്തികള് സബ്സ്ക്രൈബ് ചെയ്യുന്ന പക്ഷം വീഡിയോ അപ്ലോഡ് ചെയ്ത ജീവനക്കാര്ക്ക് സാമ്പത്തിക നേട്ടം ഉണ്ടാകുന്നതാണ്. ആയതിനാല് ഇത് 1960ലെ കേരള സര്ക്കാര് ജീവനക്കാരുടെ പെരുമാറ്റച്ചട്ടങ്ങളുടെ ലംഘനമായി കണക്കാക്കാവുന്നതാണെന്ന് ഉത്തരവില് പറയുന്നു.
