കെഎസ്ആര്ടിസി ബസിലെ സ്ത്രീകളുടെ സൗജന്യ യാത്ര ഫലപ്രദമായി നടപ്പിലാക്കാന് 500 ബസുകള് എങ്കിലും അധികമായി വേണ്ടിവരുമെന്ന് കണക്കുകൂട്ടല്. ഇതിനായി സ്വകാര്യ ബസുകള് വാടകയ്ക്ക് എടുക്കാനും ആലോചനയുണ്ടെന്നാണ് റിപ്പോര്ട്ടുകള്. അതേസമയം കെഎസ്ആര്ടിസി ബസിലെ സ്ത്രീകളുടെ സൗജന്യ യാത്ര പദ്ധതിയില് വനിതകള്ക്ക് നല്കുക ഡമ്മി ടിക്കറ്റ് ആയിരിക്കും.
സ്റ്റാര്ട്ടിങ് പോയിന്റും എന്ഡിങ് പോയിന്റും മാര്ക്ക് ചെയ്തുകൊണ്ടുള്ള ടിക്കറ്റുകളാകും വനിതകള്ക്ക് നല്കുക. 3200 ഓര്ഡിനറി സര്വീസുകളിലാണ് പദ്ധതി നടപ്പാക്കുന്നത്. മറ്റു ബസ്സുകളിലേക്ക് വ്യാപിപ്പിക്കുന്നത് സംബന്ധിച്ച് പഠനം ആരംഭിച്ചു. ടിക്കറ്റിങില് FEMALE /TRANSGENDER എന്നുള്ളതും ക്രമീകരിക്കും.
Read more
3200 ഓര്ഡിനറി സര്വീസുകളിലാണ് ആദ്യഘട്ടത്തില് സൗജന്യയാത്ര നടപ്പിലാക്കാന് പോകുന്നത്. സൗജന്യ യാത്ര മറ്റു ബസ്സുകളിലേക്ക് വ്യാപിപ്പിക്കുന്നത് സംബന്ധിച്ച് പഠനം ആരംഭിച്ചുകഴിഞ്ഞു. സൗജന്യ യാത്ര നടപ്പിലാക്കുന്നത് വകുപ്പ് തലത്തിലെ രണ്ടു സര്വേകള്ക്ക് ശേഷമായിരിക്കുമെന്നും റിപ്പോര്ട്ടുകളുണ്ട്. അതേസമയം 15-ാം തിയതി മുതല് സൗജന്യയാത്ര നടപ്പിലാക്കുമെന്നാണ് സര്ക്കാര് ആവര്ത്തിച്ച് പറയുന്നത്. ഈ മാസം 10ന് ചേരുന്ന ക്യാബിനറ്റ് യോഗത്തില് അന്തിമ തിരുമാനമുണ്ടാകും.
