യുവനേതാവിനെതിരെ ആരോപണങ്ങൾ ഉന്നയിച്ച് രംഗത്തെത്തിയതിന് പിന്നാലെ നടി റിനി ആൻ ജോർജിനെതിരെ ഉയർന്ന സൈബർ ആക്രമണങ്ങളിൽ കര്ശന നടപടി എടുക്കാന് ഡിജിപിയുടെ നിർദേശം. ആരോപണ വിധേയർക്കെതിരെ കേസ് എടുക്കാനാണ് പൊലീസിന്റെ നീക്കം. ഇന്നലെയാണ് മുഖ്യമന്ത്രി അടക്കമുള്ളവർക്ക് സൈബർ ആക്രമണങ്ങളിൽ പരാതി നൽകിയത്.
രാഹുല് ഈശ്വര്, ഷാജന് സ്കറിയ, ക്രൈം നന്ദകുമാർ അടക്കമുളളവര്ക്ക് എതിരെയാണ് റിനി പരാതി കൊടുത്തിരിക്കുന്നത്. മുഖ്യമന്ത്രിക്ക് പുറമേ എറണാകുളം റൂറൽ എസ്പി, മുനമ്പം ഡിവൈഎസ്പി എന്നിവർക്കും പരാതി നൽകി. സമൂഹമാധ്യമങ്ങളിലെ പരാമർശങ്ങൾക്കെതിരെ കേസെടുക്കണമെന്ന് ആവശ്യപ്പെട്ടാണ് റിനി പരാതി നൽകിയത്. വിവിധ ഓൺലൈൻ ചാനലുകളുടെ ലിങ്കുകൾ അടക്കമാണ് പരാതി.
പരാതിയിൽ കര്ശന നടപടി എടുക്കാനാണ് ഡിജിപി നിര്ദേശം നല്കിയിരിക്കുന്നത്. ആരോപണ വിധേയർക്കെതിരെ കേസ് എടുക്കാനാണ് പൊലീസിന്റെ നീക്കം. നടി പരാതിയില് പറയുന്ന വ്യക്തികൾക്കെതിരെ പ്രത്യേകമായിട്ടായിരിക്കും കേസ് രജിസ്റ്റര് ചെയ്യുക. ജാമ്യമില്ലാ വകുപ്പ് അടക്കം ചുമത്താവുന്ന കുറ്റം പരാതിയില് ഉണ്ടെന്ന് പൊലീസ് വ്യക്തമാക്കി. കേസ് രജിസ്റ്റര് ചെയ്യുന്നത് എവിടെ എന്നതില് തീരുമാനമായില്ല.
Read more
