കണ്ണൂർ പിണറായിയിൽ സിപിഎം പ്രവർത്തകന്റെ കൈപ്പത്തി ചിതറിയ സംഭവം പടക്കം പൊട്ടിയതാണെന്ന് പൊലീസ് എഫ്ഐആർ. ബോംബ് സ്ഫോടനമാണെന്നായിരുന്നു പുറത്ത് വന്ന വാർത്തകൾ. എന്തന്നാൽ കാരണം അതല്ലെന്നും പടക്കം പൊട്ടിയതാണെന്നുമാണ് പൊലീസിന്റെ വിശദീകരണം. എഫ്ഐആറിലാണ് ഇക്കാര്യം വ്യക്തമാക്കിയിരിക്കുന്നത്. അതേസമയം അപകടം ഓലപ്പടക്കം പൊട്ടിയെന്നാണ് സിപിഎം വിശദീകരണം.
കൈപ്പത്തി ചിതറിയ ആൾക്കെതിരെ ചുമത്തിയത് സ്ഫോടക വസ്തു അശ്രദ്ധമായി കൈകാര്യം ചെയ്തതിനുള്ള വകുപ്പാണ്. ബോംബ് കൈകാര്യം ചെയ്യുന്നതിനിടയാണ് സിപിഎം പ്രവർത്തകന് പരിക്കേറ്റത്. ബോംബ് കയ്യില്നിന്ന് പൊട്ടി സിപിഎം പ്രവര്ത്തകനായ വിപിന് ഗുരുതരമായി പരിക്കേറ്റിട്ടുണ്ട്. വലുത് കൈപ്പത്തി ചിതറിയ വിപിന് രാജിനെ കണ്ണൂരിലെ സ്വകാര്യ ആശുപത്രിയിലേക്ക് മാറ്റി.
ഇന്നലെ ഉച്ചയ്ക്ക് രണ്ടരയോടെയാണ് പിണറായി വെണ്ടുട്ടായില് സ്ഫോടനമുണ്ടായത്. കനാല്ക്കരയില് ആളൊഴിഞ്ഞ ഭാഗത്തുണ്ടായ ഉഗ്ര സ്ഫോർടനത്തിലാണ് സിപിഎം പ്രവര്ത്തകനായ വിപിന് രാജിന്റെ വലത് കൈപ്പത്തിക്ക് സാരമായി പരിക്കേറ്റത്. ഉടന് തന്നെ കണ്ണൂരിലെ സ്വകാര്യ ആശുപത്രിയിലേക്ക് എത്തിച്ചു. ഓലപ്പടക്കം പൊട്ടിക്കുമ്പോള് അപകടമുണ്ടായെന്നാണ് ആശുപത്രിയിലും പൊലീസിനോടും പറഞ്ഞത്. എന്നാല് പാനൂര് ഉള്പ്പടെയുളള മേഖലയില് പ്രയോഗിക്കാന് സിപിഎം വ്യാപകമായി ബോംബ് നിര്മിക്കുകയാണെന്ന് കോണ്ഗ്രസ് ആരോപിച്ചു.
Read more
