തിരുവനന്തപുരം കോര്പ്പറേഷന് തിരഞ്ഞെടുപ്പില് മുട്ടട വാര്ഡില് കോണ്ഗ്രസിന് തിരിച്ചടി. മുട്ടടയില് സ്ഥാനാര്ത്ഥിയായി കോണ്ഗ്രസ് പ്രഖ്യാപിച്ച വൈഷ്ണ സുരേഷിന്റെ പേര് വോട്ടര് പട്ടികയില് നിന്ന് തിരഞ്ഞെടുപ്പ് കമ്മിഷന് നീക്കം ചെയ്തു. സിപിഎം നല്കിയ പരാതി ശരിവെച്ചാണ് കമ്മിഷന്റെ നടപടി. അന്തിമ വോട്ടര് പട്ടിക ഇന്ന് പ്രസിദ്ധീകരിച്ചപ്പോള് പട്ടികയില് വൈഷ്ണ സുരേഷിന്റെ പേരില്ല. വൈഷ്ണ സുരേഷ് വോട്ടര് പട്ടികയില് പേര് ചേര്ക്കാന് നല്കിയ വിലാസം ശരിയല്ലെന്നും പട്ടികയില് നിന്നു ഒഴിവാക്കണമെന്നും കാണിച്ച് സിപിഎം നല്കിയ പരാതിയിലാണ് തിരഞ്ഞെടുപ്പ് കമ്മീഷന്റെ നടപടി.
വൈഷ്ണ നല്കിയ മേല്വിലാസത്തില് പ്രശ്നമുണ്ടെന്നാണ് കോര്പ്പറേഷന് ഉദ്യോഗസ്ഥര് നല്കുന്ന വിവരം. മുട്ടടയില് കുടുംബവീടുള്ള വൈഷ്ണ അമ്പലമുക്കിലെ വാടക വീട്ടിലാണ് താമസം. കഴിഞ്ഞ ലോക്സഭാ തെരെഞ്ഞെടുപ്പിലും വോട്ട് ചെയ്തിരുന്നു. സിപിഎം പരാതി അംഗീകരിച്ചുകൊണ്ട് വോട്ടര് പട്ടികയില് നിന്ന് പേര് ഒഴിവാക്കിയതോടെ വൈഷ്ണക്ക് മത്സരിക്കാന് കഴിയാത്ത പ്രതിസന്ധിയാണ് ഉണ്ടായിരിക്കുന്നത്. നടപടിക്കെതിരെ വൈഷ്ണക്ക് അപ്പീല് നല്കാനാകും. നടപടിക്കെതിരെ തെരഞ്ഞെടുപ്പ് കമ്മീഷന് അപ്പീല് നല്കാനാണ് കോണ്ഗ്രസ് തീരുമാനം.
Read more
കോര്പ്പറേഷനിലെ ഏറ്റവും പ്രായംകുറഞ്ഞ കോണ്ഗ്രസ് സ്ഥാനാര്ത്ഥി എന്ന നിലയില് വൈഷ്ണയെ മുട്ടടയില് നിര്ത്തി പ്രചാരണവുമായി കോണ്ഗ്രസ് സജീവമാകുന്നതിനിടെയാണ് വോട്ടര് പട്ടികയില് നിന്ന് നീക്കിയുള്ള നടപടിയുണ്ടാകുന്നത്. കോര്പ്പറേഷനിലെ ഏതെങ്കിലും ഒരു വാര്ഡിലെ വോട്ടര് ആണെങ്കില് മാത്രമാണ് കൗണ്സിലറായി മത്സരിക്കാന് കഴിയുക.കോര്പറേഷനിലെ ഏതെങ്കിലും വാര്ഡിലെ വോട്ടര്പട്ടികയില് പേര് ഉണ്ടെങ്കിലേ കൗണ്സിലിലേക്ക് മത്സരിക്കാന് കഴിയൂ എന്നതാണ് ചട്ടം. അതേസമയം നടപടിക്കെതിരെ വൈഷ്ണക്ക് അപ്പീല് നല്കാനാകും. അപ്പീല് നല്കാന് കോണ്ഗ്രസും വൈഷണയും തീരുമാച്ചിട്ടുണ്ട്. മുട്ടടയില് പ്രചാരണം പുരോഗമിക്കുന്നതിനിടെയാണ് ഈ അനിശ്ചിതത്വം വന്നിരിക്കുന്നത്.
