വാഹനമിടിച്ച് പരിക്കേറ്റതിനെ തുടര്‍ന്ന് ചികിത്സയ്ക്ക് എത്തിച്ച നായയുടെ ശരീരത്തില്‍ നിന്ന് വെടിയുണ്ട കണ്ടെത്തി. മൃഗസംരക്ഷകന്‍ പ്രദീപ് പയ്യൂര്‍ ഗുരുവായൂരില്‍ നിന്നും രക്ഷിച്ച നായയുടെ ദേഹത്ത് നിന്നാണ് വെടിയുണ്ട കണ്ടെത്തിയത്. മണ്ണൂത്തി വെറ്റിനറി ആശുപത്രിയില്‍ നടത്തിയ എക്സ്റേ പരിശോധനയിലാണ് ഇക്കാര്യം വ്യക്തമായത്.
സംഭവത്തില്‍ പൊലീസ് അന്വേഷണം ആരംഭിച്ചു. പാലക്കാട് നിന്നും രക്ഷിച്ച നായയുടെ ദേഹത്ത് നിന്നും വെടിയുണ്ട കണ്ടെത്തിയിരുന്നു. ഒരേ ദിവസമാണ് രണ്ടു സ്ഥലങ്ങളില്‍ നിന്നും നായകളെ രക്ഷിച്ചത്.
Read more
നായ്ക്കള്‍ റോഡപകടങ്ങളില്‍പ്പെട്ടും മറ്റും പരിക്കേറ്റ് കിടക്കുന്നതുകണ്ടാല്‍ നാട്ടുകാര്‍ പ്രദീപിനെ വിളിച്ച് അറിയിക്കാറുണ്ട്. ഇദ്ദേഹം നായകള്‍ക്കായി പാലക്കാട് സനാതന അനിമല്‍ ആശ്രമം എന്നപേരില്‍ സംരക്ഷണകേന്ദ്രം നടത്തുന്നുണ്ട്.
