കോഴിക്കോട് കരിപ്പൂര്‍ വിമാനത്താവളത്തില്‍ വന്‍ സ്വര്‍ണവേട്ട. വിമാന കമ്പനി ജീവനക്കാരനാണ് ഒരു കോടിയോളം രൂപയുടെ സ്വര്‍ണം കടത്താന്‍ ശ്രമിച്ചത്. ഇയാളെ സിഐഎസ്എഫ് പിടികൂടി.
കരിപ്പൂര്‍ കരുവാംകല്ല് സ്വദേശി മുഹമ്മദ് ഷമീം ആണ് പിടിയിലായത്. 2.64 കിലോ സ്വര്‍ണ മിശ്രിതമാണ് ഇയാളില്‍ നിന്നും പിടിച്ചെടുത്തത്. മറ്റാരോ കൊണ്ടുവന്ന സ്വര്‍ണം ഇയാള്‍ ഒളിപ്പിച്ച് പുറത്തെത്തിക്കാന്‍ ശ്രമിക്കുകയായിരുന്നെന്ന് സിഐഎസ്എഫ് ഉദ്യോഗസ്ഥര്‍ പറയുന്നു.
എയര്‍ലൈന്‍ ഗ്രൗണ്ട് സ്റ്റാഫാണ് ഷമീം. ഇയാളെ ചോദ്യം ചെയ്യുകയാണ്.
Read more
കരിപ്പൂര്‍ വിമാനത്താവളത്തിലൂടെ അടുത്തിടെയായി സ്വര്‍ണക്കടത്ത് വര്‍ദ്ധിക്കുകയാണ്. രണ്ട് മാസത്തിനിടെ രണ്ടാമത്തെ വിമാനക്കമ്പനി ജീവനക്കാരനാണ് സ്വര്‍ണക്കടത്തില്‍ പിടിയിലാകുന്നത്.
