പിഎം ശ്രീ പദ്ധതിയുമായി ബന്ധപ്പെട്ട് ഉണ്ടായ വിവാദങ്ങളിൽ സിപിഐ നേതാക്കൾക്കെതിരെ ആഞ്ഞടിച്ച് വിദ്യാഭ്യാസ മന്ത്രി വി ശിവൻകുട്ടി. മന്ത്രി ജി ആർ അനിലിനും പ്രകാശ് ബാബുവിനും എതിരെയാണ് മന്ത്രി രൂക്ഷ വിമർശനം ഉന്നയിച്ചത്. എന്തെങ്കിലും കുറവുണ്ടെങ്കിൽ ചവിട്ടി താഴ്ത്തുന്നത് ശരിയല്ലെന്നും മന്ത്രി പറഞ്ഞു. അതേസമയം AISF,AIYF മാർച്ചുകൾക്കും മന്ത്രി വിമർശനം ഉന്നയിച്ചു.
സിപിഐ ഓഫിസിന് മുന്നിൽ വച്ച് മന്ത്രി ജി ആർ അനിൽ അപമാനിക്കുന്ന പ്രസ്താവന നടത്തിയെന്നും വി ശിവൻകുട്ടി പറഞ്ഞു. എവിടെ നിന്നോ ഒരുത്തൻ ഓഫിസിൽ കയറി വന്ന പോലെ ആയിരുന്നു അനിലിന്റെ പരാമർശം. അതേസമയം വിഷയത്തിൽ എം എ ബേബി നിസ്സഹായനെന്ന് പ്രകാശ് ബാബു പറയാൻ പാടില്ലായിരുന്നുവെന്നും മന്ത്രി ചൂണ്ടിക്കാട്ടി.
അതേസമയം AISF, AIYF മാർച്ചുകൾക്കും മന്ത്രി വിമർശനം ഉന്നയിച്ചു. തെറ്റായ മുദ്രാവാക്യങ്ങളാണ് വിളിച്ചതെന്ന് മന്ത്രി കുറ്റപ്പെടുത്തി. യുവനേതാക്കളുടെ പരാമർശം വേദനിപ്പിച്ചുവെന്നും വി ശിവൻകുട്ടി കൂട്ടിച്ചേർത്തു. പിഎം ശ്രീ പദ്ധതിയിലെ AISF, AIYF പ്രതിഷേധം അതിരുകടന്നുവെന്നാണ് മന്ത്രിയുടെ വിമർശനം. ഇത് സിപിഎം സിപിഐ പ്രശനം ആണ്. ഇതിൽ ഇടപെടുമ്പോൾ വാക്കുകൾ സൂക്ഷിച്ചു ഉപയോഗിക്കണമെന്നും മന്ത്രി പറഞ്ഞു.
Read more
