വാര്ത്താ സമ്മേളനത്തിൽ നടത്തിയ അധിക്ഷേപത്തിനെതിരെ എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന് വക്കീല് നോട്ടീസ് അയച്ച് സിപിഐഎം സംസ്ഥാന കമ്മിറ്റി അംഗവും മുന് മുഖ്യമന്ത്രിയുടെ പൊളിറ്റിക്കല് സെക്രട്ടറിയുമായ പി ശശി.
ഭരണത്തിന്റെ അന്തകനെന്നും പലിശ രാജാവെന്നുമുള്ള വെള്ളാപ്പള്ളിയുടെ പ്രതികരണത്തിനെതിരെയാണ് നിയമനടപടി. രണ്ടാം പിണറായി സര്ക്കാരിന്റെ അന്തകന് പൊളിറ്റിക്കല് സെക്രട്ടറിയായിരുന്ന പി ശശി നിയന്ത്രിച്ച ഓഫീസാണെന്നും വെള്ളാപ്പള്ളി നടേശന് പ്രതികരിച്ചിരുന്നു.
Read more
മുതിര്ന്ന അഭിഭാഷകന് കെ. വിശ്വന് മുഖേനയാണ് പി ശശി വക്കീല് നോട്ടീസ് അയച്ചത്. തേജോവധം ചെയ്യുന്നതിന് ദുരുദ്ദേശത്തോടെ പടച്ചുണ്ടാക്കിയതാണ് പ്രതികരണമെന്ന് വക്കീല് നോട്ടീസില് പറയുന്നു. പ്രസ്താവന പിന്വലിച്ച് ഖേദപ്രകടനം നടത്തണമെന്നാണ് പി ശശിയുടെ ആവശ്യം. നേരത്തെ വെള്ളാപ്പള്ളിയെ തള്ളി സിപിഐഎം രംഗത്തെത്തിയിരുന്നു. ഇതിന് പിന്നാലെയാണ് പി. ശശിയുടെ നിയമ നടപടി.
