ആലപ്പുഴ ജില്ലയിലെ അരൂരില്‍ തീപിടുത്തം. അരൂര്‍ ചന്തിരൂരിലെ പ്രീമിയര്‍ സീഫുഡ് കമ്പനിയിലാണ് തീപിടുത്തം ഉണ്ടായത്. ഫയര്‍ഫോഴ്‌സ് എത്തി തീ നിയന്ത്രണ വിധേയമാക്കി.
ആലപ്പുഴയില്‍ നിന്നും മട്ടാഞ്ചേരിയില്‍നിന്നും എത്തിയ ഫയര്‍ഫോഴ്‌സ് യൂണീറ്റുകള്‍ ഒരുമണിക്കൂര്‍ നീണ്ട പരിശ്രമത്തിന് ഒടുവിലാണ് തീ നിയന്ത്രണ വിധേയമാക്കിയത്. തീപിടുത്തം ഉണ്ടായപ്പോള്‍ സ്ഥാപനത്തിലെ ജീവനക്കാര്‍ പുറത്തേക്ക് ഓടി രക്ഷപ്പെട്ടതിനാല്‍ ആളപായമില്ല. എന്നാല്‍ കെട്ടിടത്തിന്റെ ഒരു ഭാഗം പൂര്‍ണമായും കത്തി നശിച്ചു.
Read more
ഫാക്ടറിക്ക വന്‍ നാശ നഷ്ടം ഉണ്ടായിട്ടുണ്ട്. തീപിടുത്തം ഉണ്ടായത് എങ്ങനെയാണെന്ന് വ്യക്തമല്ല. ഷോര്‍ട്ട് സര്‍ക്യൂട്ടാണ് കാരണമെന്നാണ് പൊലീസിന്റെ പ്രാഥമിക വിലയിരുത്തല്‍. ഇന്ന് ഉച്ചയോടെ സ്ഥാപനത്തിന്റെ മുകളിലത്തെ നിലയില്‍ തീ പടരുകയായിരുന്നു നിലവില്‍ സമീപ പ്രദേശത്തേക്ക് തീ പടരാതിരിക്കാനുള്ള മുന്‍കരുതലുകള്‍ സ്വീകരിച്ചിട്ടുണ്ട്.
