നടന്‍ പ്രജോദിന്റെ മുടി വിഗ് ആണോയെന്ന് പലരും ചോദിച്ചിട്ടുണ്ട്. ഒരിക്കല്‍ അമൃത ടിവിയിലെ ആനീസ് കിച്ചന്‍ എന്ന പരിപാടിയില്‍ പ്രജോദ് എത്തിയപ്പോള്‍ ആനിക്കും ഇതേ സംശയം ഉണ്ടായിരുന്നു. ആനി ഈ സംശയം തീര്‍ത്തതിന്റെ വീഡിയോ ഇപ്പോള്‍ ശ്രദ്ധ നേടുകയാണ്.

ഷോയില്‍ ഭാര്യയ്ക്കൊപ്പമാണ് ആണ് പ്രജോദ് എത്തിയത്. തന്റെ കുടുംബവിശേഷങ്ങളും കരിയറിനെ കുറിച്ചും സംസാരിക്കുന്നതിന് ഇടയിലാണ് ആനി മുടിയുടെ കാര്യം ചോദിച്ചത്. ‘ഒരുപാട് നാളായുള്ള എന്റെ സംശയമാണ്, ഇത് വെപ്പാണോ’ എന്നാണ് ആനി പറഞ്ഞത്.

‘അതറിയാന്‍ വലിച്ച് നോക്കിക്കോളൂ’ എന്നായിരുന്നു പ്രജോദിന്റെ മറുപടി. ആനി വലിച്ച് നോക്കി തന്റെ നാളുകളായുള്ള ആ സംശയം തീര്‍ക്കുന്നുണ്ട്, ‘വെപ്പല്ല പക്കാ ഒറിജിനല്‍’ എന്ന്. ആളുകളുടെ ഈ സംശയം കാരണം താന്‍ ഇതിലും വലിയ ഒരുപാട് ബുദ്ധിമുട്ടുകള്‍ നേരിട്ടിട്ടുണ്ടെന്നും പ്രജോദ് പറയുന്നുണ്ട്.

ഒരിക്കല്‍ ഒരു ഗള്‍ഫ് ഷോ കഴിഞ്ഞ് പോകാന്‍ നില്‍ക്കുമ്പോള്‍ രണ്ട് പേര്‍ ഓടി വന്നു, ഒരാള്‍ തന്റെ മുടിയില്‍ പിടിച്ചു വലിച്ചിട്ട് പറഞ്ഞു, ആ ഓക്കെ പൊയ്‌ക്കോളൂന്ന്. പ്രോഗ്രാം മോശമായതിനുള്ള പ്രതികാരം തീര്‍ത്തതാവും അയാള്‍ എന്നാണ് താന്‍ ആദ്യം കരുതിയത്.

എന്നാല്‍ പിന്നീട് കാര്യം തിരക്കിയപ്പോള്‍ ആണ് പറയുന്നത്, തന്റെ മുടി വെപ്പാണോ അല്ലയോ എന്ന കാര്യത്തില്‍ അവര്‍ക്ക് ഇടയില്‍ ഒരു ബെറ്റ് ഉണ്ടായിരുന്നു എന്ന്. അതിനാണ് അവര്‍ വലിച്ച് നോക്കി വിജയിയെ തീരുമാനിച്ചത്. ഒരിക്കല്‍ ഒരു സിനിമയുടെ ലോഞ്ച് പരിപാടിക്ക് പോയി.

അവിടെ കലാഭാവന്‍ ഷാജോണ്‍, കോട്ടയം നസീര്‍ എന്നിവരൊക്കെ മുന്‍ സീറ്റില്‍ ഇരിപ്പുണ്ട്. താനും അതിന് അടുത്തുള്ള ചെയറില്‍ പോയി ഇരുന്നു. അപ്പോള്‍ തന്നെ നസീര്‍ ഇക്ക തന്നെ നോക്കിയിട്ട് പറഞ്ഞു, ‘എടാ ഇവിടെ വലിയ ടോപ്പ് ആക്ടേഴ്സിന് ഇരിക്കാനുള്ളതാണ്’ എന്ന്

അത് വല്ലാതെ ഫീല്‍ ആയി. തനിക്ക് അവരുടെ കൂടെ ഇരിക്കാനുള്ള യോഗ്യത ഇല്ലായിരിക്കും എന്ന് കരുതി മാറി നിന്നു. കുറച്ച് നേരം കഴിഞ്ഞപ്പോഴാണ് നസീര്‍ക്ക വന്ന് പറയുന്നത് ടോപ്പ് ആക്ടേഴ്‌സ് എന്ന് പറഞ്ഞാല്‍, വിഗ് വച്ചവര്‍ എന്നാണ് ഉദ്ദേശിച്ചത് എന്ന്. നോക്കിയപ്പോള്‍ എല്ലാവരും വിഗ് വച്ചവര്‍ എന്നാണ് പ്രജോദ് പറയുന്നത്.