മറ്റ് റിയാലിറ്റി ഷോകളില്നിന്ന് വ്യത്യസ്തമാണ് ഫ്ളവേഴ്സ് ടിവിയുടെ കോമഡി ഉത്സവം. പേരിനൊപ്പം കോമഡിയുണ്ടെങ്കിലും എന്നും പുതിയ കലാകാരന്മാരെ പരിചയപ്പെടുത്തുന്നതില് ഈ പരിപാടി പുലര്ത്തുന്ന ജാഗ്രത പ്രശംസനീയമാണ്. മിമിക്രിയിലും പാട്ടിലും അത്ഭുതങ്ങള് വിരിയിക്കുന്ന പ്രതിഭകളെയാണ് കോമഡി ഉത്സവം സ്ഥിരമായി അവതരിപ്പിക്കുന്നത്. അത്തരത്തില് ഫ്ളവേഴ്സ് അവതരിപ്പിച്ച ഒരു അന്ധഗായകന് ഇപ്പോള് സോഷ്യല് മീഡിയയില് വൈറലയാണ്.
https://www.facebook.com/varietymedia.in/videos/1605568766155440/
കാസർഗോഡ് സ്വദേശിയായ നാലാം ക്ലാസ് വിദ്യാര്ത്ഥിയാണ് ഗോകുല് രാജ്. സോഷ്യല് മീഡിയയില് ഗോകുലിന്റെ പരിപാടിക്ക് ഏറെ ആരാധകരുണ്ടെന്ന് കണ്ട് തന്നെയാണ് ഫ്ളവേഴ്സ് ഗോകുലിനെ പരിപാടിയില് ഉള്പ്പെടുത്തിയത്. പരിപാടിക്ക് ശേഷം ഗോകുലിന്റെ പ്രശസ്തി കേരളക്കരയാകെ വ്യാപിച്ചു. കലാഭവന് മണിയുടെ പാട്ടുകള് ഗോകുല് ആലപിച്ചതിന് പ്രത്യേക ആകര്ഷണീയത ആയിരുന്നെന്ന് പരിപാടിയിലെ വിധികര്ത്താക്കള് അഭിപ്രായപ്പെട്ടു.
Read more
ശാസ്ത്രീയമായി ഗോകുൽ സംഗീതം പഠിച്ചിട്ടില്ല. പാട്ടിൽ മാത്രമല്ല വാദ്യോപകരണങ്ങളിലും ഗോകുലിന് പ്രാവീണ്യമുണ്ട്. നടനും ആര്.ജെയുമൊക്കെയായ മിഥുനാണ് ഈ പരിപാടിയുടെ അവതാരകന്. ടിനി ടോം, ഗിന്നസ് പക്രു തുടങ്ങിയവരാണ് ഈ പരിപാടിയുടെ വിധികര്ത്താക്കള്.