ഗായകന്‍ എംജി ശ്രീകുമാറിന്റെ പത്‌നി ലേഖ ശ്രീകുമാര്‍ പ്രേക്ഷകര്‍ക്ക് സുപരിചിതയാണ്. എംജിക്കൊപ്പം മിക്ക പരിപാടികളിലും ലേഖ ഒന്നിച്ചെത്താറുണ്ട്. ലേഖയ്‌ക്കെതിരെ ഇടയ്ക്ക് വിമര്‍ശനങ്ങളും ഉയാരാറുണ്ട്. എങ്കിലും തന്റെ യൂട്യൂബ് ചാനലിലൂടെ വിശേഷങ്ങള്‍ പങ്കുവച്ച് ലേഖ എത്താറുമുണ്ട്.
എംജിക്കൊപ്പമുള്ള യാത്രാ ചിത്രങ്ങളും ലേഖ സോഷ്യല്‍ മീഡിയയില്‍ പങ്കുവയ്ക്കാറുണ്ട്. ലേഖ പങ്കുവച്ച ഒരു സ്റ്റാറ്റസ് ആണ് സോഷ്യല്‍ മീഡിയയില്‍ കഴിഞ്ഞ ദിവസങ്ങളില്‍ ചര്‍ച്ചയായത്. ഇന്‍സ്റ്റഗ്രാം സ്റ്റോറിയായും ഫെയ്‌സ്ബുക്ക് സ്റ്റോറിയായും പങ്കുവച്ച വാക്കുകള്‍ വൈറലാവുകയായിരുന്നു.
”എന്റെ ജീവിതത്തില്‍ ഒരാള്‍ തുടരാന്‍ വേണ്ടി ഇന്നുവരെയും അപേക്ഷിച്ചിട്ടില്ല. നമ്മുടെ ജീവിതത്തില്‍ തുടരുന്നതും, പോകുന്നതും അവരുടെ തിരഞ്ഞെടുപ്പ് മാത്രമാണ്. അവര്‍ തുടര്‍ന്നാല്‍ ഞാന്‍ അവര്‍ക്ക് ആ വില നല്‍കും. ഇനി തുടരാന്‍ താല്‍പര്യമില്ലെങ്കില്‍ അവരുടെ ആ തീരുമാനത്തെയും ഞാന്‍ ബഹുമാനിക്കും, പക്ഷേ ഒരിക്കലും ഞാന്‍ വരെ ശല്യപ്പെടുത്തുകയില്ല” എന്നായിരുന്നു ലേഖയുടെ സ്റ്റോറി.
Read more
എന്തുകൊണ്ടാണ് ഇങ്ങനൊരു സ്റ്റോറി പങ്കുവച്ചതെന്ന് ചോദിച്ചു കൊണ്ട് നിരവധി പേരാണ് രംഗത്തെത്തുന്നത്. അതേസമയം, എംജിക്കൊപ്പമുള്ള ചിത്രങ്ങള്‍ പങ്കുവച്ചു കൊണ്ടാണ് ലേഖ വീണ്ടും സോഷ്യല്‍ മീഡിയയില്‍ എത്തിയിരിക്കുന്നത്. നേപ്പാള്‍ യാത്രയിലാണ് ലേഖയും എംജി ശ്രീകുമാറും ഇപ്പോള്‍.
