ഇംഗ്ലീഷ് ഗായകനും ഗാനരചയിതാവുമായ എഡ് ഷീരനെ പരിചയമില്ലാത്ത സംഗീത പ്രേമികളില്ല. 2017 ൽ ‘ഷെയ്പ്പ് ഓഫ് യു’ എന്ന ഗാനത്തിലൂടെയാണ് എഡ് ഷീരൻ സംഗീത പ്രേമികൾക്കിടയിൽ പ്രസിദ്ധനാവുന്നത്.
എന്നാൽ ഇപ്പോഴിതാ സംഗീതവുമായി ബന്ധപ്പെട്ടല്ലാതെ വാർത്തകളിൽ ഇടം പിടിക്കുകയാണ് എഡ് ഷീരൻ. വീടിന്റെ പിറകിൽ തനിക്കയായി ശവക്കുഴി കുഴിച്ചിട്ടുണ്ടെന്നാണ് താരം പറയുന്നത്. വീടിനടുത്തായി പ്രാർത്ഥനയ്ക്ക് വേണ്ടി ഒരു ചാപ്പലും അതിന്റെയുള്ളിൽ ഒരു ശവക്കുഴിയുമാണ് താരം നിർമ്മിച്ചത്.
“എന്റെ മരിച്ചുപോയ സുഹൃത്തുക്കളെയെല്ലാം അടക്കം ചെയ്യുകയാണ് ചെയ്തത്. അതുകൊണ്ടാണ് ഞാൻ തന്നെ എനിക്കൊരു ശവക്കുഴി പണിതത്. പ്രത്യേകിച്ച് ഒന്നുമില്ല ഒരു കുഴിയും അതിന്റെ മുകളിലായി മനോഹരമായ ഒരു ഗ്രേവ് സ്റ്റോണും. ഞാൻ മരിച്ചുകഴിഞ്ഞാൽ അവിടെ പോവാം. എന്റെ മക്കൾക്ക് എന്നെ വന്ന് കാണാനും സാധിക്കും. ആളുകളൊക്കെ ഇതിനെ ഒരു വിചിത്രമായ ഒരു കാര്യമായാണ് കാണുന്നത്, അവരൊക്കെ ഇച്ഛാശക്തിയില്ലാതെ മരിക്കാൻ ഇടയുണ്ട്.” ജി. ക്യു എന്ന വിദേശ മാധ്യമത്തിന് നൽകിയ അഭിമുഖത്തിലാണ് എഡ് ഷീരൻ ഇങ്ങനെ അഭിപ്രായപ്പെട്ടത്.
Read more
ചെറി സീബോണിനെയാണ് എഡ് ഷീരൻ വിവാഹം കഴിച്ചിരിക്കുന്നത്. ഗർഭകാലത്ത് കണ്ടുപിടിച്ച ഭാര്യയുടെ ട്യൂമറിനെ പറ്റി കഴിഞ്ഞ മാർച്ചിലാണ് എഡ് ഷീരൻ സോഷ്യൽ മീഡിയയിലൂടെ വെളിപ്പെടുത്തിയത്. ‘ഓട്ടം വേരിയേഷൻസ്’ എന്ന സംഗീത ആൽബമാണ് എഡ് ഷീരന്റെ അവസാനം പുറത്തിറങ്ങിയ സംഗീത ആൽബം.
