ദുബായിലെ തന്റെ വീട്ടില്‍ കൃഷ്ണ കീര്‍ത്തന അര്‍ച്ചന സംഘടിപ്പിച്ച് സംഗീതസംവിധായകന്‍ എ.ആര്‍ റഹ്‌മാന്‍. വിദേശ ഗായകര്‍ ഉള്‍പ്പെടെ നിരവധി പേര്‍ അര്‍ച്ചനയില്‍ പങ്കെടുക്കാനെത്തി. ഇവര്‍ കീര്‍ത്തനങ്ങള്‍ ആലപിക്കുമ്പോള്‍ അത് ആസ്വദിക്കുന്ന റഹ്‌മാന്റെ വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വ്യാപകമായി പ്രചരിക്കുന്നത്.
റഹ്‌മാന്റെ വീട്ടിലെ സ്വീകരണ മുറിയില്‍ വച്ചായിരുന്നു അര്‍ച്ചന. ഏറെ സന്തോഷത്തോടെ റഹ്‌മാന്‍ കീര്‍ത്തനങ്ങള്‍ ആസ്വദിക്കുന്നത് വീഡിയോയില്‍ കാണാനാകും. ഗായകരുടെ ദൃശ്യങ്ങള്‍ അദ്ദേഹം മൊബൈല്‍ ഫോണില്‍ പകര്‍ത്തുന്നുമുണ്ട്. റഹ്‌മാന്റെ ചില സ്‌നേഹിതരും പരിപാടി ആസ്വദിക്കാന്‍ എത്തിയിരുന്നു.
வாவ்❤️ pic.twitter.com/EleJZWiEhr
— Jagadish (@scbjagadish) December 9, 2023
അതേസമയം, ചെന്നൈ നഗരം പ്രളയത്തില്‍ മുങ്ങിക്കിടക്കുമ്പോള്‍ പുതിയ പാട്ടിന്റെ പ്രമോഷന്‍ പോസ്റ്റ് പങ്കുവച്ചതിന് എ.ആര്‍ റഹ്‌മാന്‍ വിവാദത്തിലായിരുന്നു. ‘പിപ്പ’ എന്ന ചിത്രത്തിന് വേണ്ടി റഹ്‌മാന്‍ ഈണമൊരുക്കിയ ‘മേന്‍ പര്‍വനാ’ എന്ന ഗാനമാണ് കഴിഞ്ഞ ദിവസം റിലീസ് ചെയ്തത്.
‘താളത്തെ സ്വീകരിക്കുക. ഈ പാട്ടിലെ ചടുലമായ സ്പന്ദനങ്ങള്‍ നിങ്ങളുടെ നൃത്തത്തെ നയിക്കട്ടെ’ എന്ന ക്യാപ്ഷനോടെ ആയിരുന്നു റഹ്‌മാന്റെ പോസ്റ്റ്. ഇതിന് പിന്നാലെ വിമര്‍ശനങ്ങള്‍ തലപൊക്കി.
Read more
ചെന്നൈയെയും ആന്ധ്രാപ്രദേശിനെയും സാരമായി ബാധിച്ച മിഷോങ് ചുഴലിക്കാറ്റ് വീശിയടിച്ചപ്പോള്‍ ഗാനം പ്രമോട്ട് ചെയ്തതിന് ആയിരുന്നു റഹ്‌മാനെതിരെ വിമര്‍ശനം ഉയര്‍ന്നത്. ഏതാനും ദിവസങ്ങള്‍ക്ക് ശേഷം ചെന്നൈ നഗരത്തിന് വേണ്ടി കൈകോര്‍ക്കണമെന്ന കുറിപ്പോടെ റഹ്‌മാന്‍ മറ്റൊരു പോസ്റ്റ് പങ്കുവച്ചിരുന്നു.
