താന്‍ ഇരട്ടക്കുട്ടികളുടെ അമ്മയായ വിവരം പങ്കുവച്ച് ഹോളിവുഡ് താരം ആംബര്‍ ഹേഡ്. ലോക മാതൃദിനത്തിലാണ് കുഞ്ഞുങ്ങളുടെ കാല്‍പ്പാദത്തിന്റെ ചിത്രങ്ങള്‍ പങ്കുവച്ച് താന്‍ വീണ്ടും അമ്മയായ വിവരം ആംബര്‍ പങ്കുവച്ചത്. ആഗ്നസ്, ഒഷ്യന്‍ എന്നാണ് നടി തന്റെ കുഞ്ഞുങ്ങള്‍ക്ക് നല്‍കിയ പേര്. ഇവര്‍ കൂടാതെ ഊനഗ് എന്ന ഒരു പെണ്‍കുട്ടി കൂടി ആംബറിനുണ്ട്.
2022ല്‍ ഹോളിവുഡ് താരം ജോണി ഡെപ്പുമായുള്ള വിവാഹമോചന കേസിനെ തുടര്‍ന്ന് ആംബര്‍ എന്നും വാര്‍ത്താ കോളങ്ങളില്‍ നിറഞ്ഞിരുന്നു. താന്‍ കൊടിയ ഗാര്‍ഹികപീഡനത്തിന് ഇരയായിട്ടുണ്ട് എന്നായിരുന്നു നടി കോടതിയില്‍ വാദിച്ചത്. ഈ കേസിന് പിന്നാലെ സോഷ്യല്‍ മീഡിയയില്‍ നിന്നും നടി പിന്‍വലിഞ്ഞിരുന്നു. ഇന്‍സ്റ്റഗ്രാമിലെ കമന്റ് സെക്ഷന്‍ പോലും നടി പെര്‍മനന്റ് ആയി ഓഫ് ചെയ്തിരിക്കുകയാണ്.
View this post on Instagram
എന്നാല്‍ ഇരട്ടകുട്ടികളുടെ അമ്മയായി എന്ന വിവരം ആംബറിനെ വീണ്ടും സോഷ്യല്‍ മീഡിയ ചര്‍ച്ചകളില്‍ എത്തിച്ചിരിക്കുകയാണ്. മുന്‍കാമുകനായ ടെക് ഭീമന്‍ ഇലോണ്‍ മസ്‌ക് ആണ് ഈ കുഞ്ഞുങ്ങളുടെ പിതാവ് എന്ന ചര്‍ച്ചകളാണ് സോഷ്യല്‍ മീഡിയയില്‍ നടക്കുന്നത്. 2016 മുതല്‍ 2018 വരെ ആംബറും മസ്‌ക്കും റിലേഷന്‍ഷിപ്പിലായിരുന്നു.
ഇരുവരും അന്ന് രണ്ട് ഭ്രൂണങ്ങള്‍ ശീതീകരിച്ച് സൂക്ഷിച്ചിരുന്നതായും ഇതിനെ തുടര്‍ന്ന് തര്‍ക്കം ഉണ്ടായതായും 2022ലെ ഡെയ്‌ലി മെയില്‍ റിപ്പോര്‍ട്ട് ചെയ്തിരുന്നു. ഈ ഭ്രൂണം നശിപ്പിക്കാനും എന്നാല്‍ സംരക്ഷിക്കാനും വേണ്ടി ഇരുവരും വഴക്കിട്ടിരുന്നതായാണ് റിപ്പോര്‍ട്ട്. ഇരുവരും കുട്ടികള്‍ വേണമെന്ന് ആഗ്രഹിച്ചിരുന്നെങ്കിലും അന്നത് നടന്നില്ല.
എന്നാല്‍ ആദ്യ കുഞ്ഞ് ഊനഗിന്റെ പിതാവ് ആരാണെന്ന് ആംബര്‍ വെളിപ്പെടുത്തിയിട്ടില്ലാത്തതിനാല്‍, മസ്‌ക്കുമായി പിരിഞ്ഞ് വര്‍ഷങ്ങള്‍ക്ക് ശേഷം പിറന്ന ഇരട്ടകുഞ്ഞുങ്ങള്‍ മസ്‌കിന്റെത് ആകാനുള്ള സാധ്യത കുറവാണെന്നും റിപ്പോര്‍ട്ടുകള്‍ പറയുന്നുണ്ട്. നടന്‍ ജോണി ഡെപ്പുമായുള്ള വിവാഹമോചനത്തിന് ശേഷമായിരുന്നു ആംബര്‍ ഹേഡും ഇലോണ്‍ മസ്‌ക്കും പ്രണയത്തിലായത്.
Read more
