ക്രിസ്റ്റഫര്‍ ഹിവ്ജുവിന് പിന്നാലെ “ഗെയിം ഓഫ് ത്രോണ്‍സ്” താരം ഇന്ദിര വര്‍മ്മക്കും കോവിഡ് 19 സ്ഥിരീകരിച്ചു. തനിക്ക് രോഗം സ്ഥിരീകരിച്ചതായി ഇന്ദിര സോഷ്യല്‍ മീഡിയയിലൂടെ അറിയിച്ചു. രണ്ടു ദിവസം മുമ്പാണ് ക്രിസ്റ്റഫര്‍ ഹിവ്ജുവിന് കൊറോണ സ്ഥിരീകരിച്ചത്.
“”ഞാന്‍ കിടപ്പിലാണ്, ഇത് അത്ര നല്ലതല്ല. സുരക്ഷിതവും ആരോഗ്യകരവുമായി തുടരുക”” എന്ന് താരം സോഷ്യല്‍ മീഡിയയില്‍ കുറിച്ചു. എല്ലാരിയ സാന്റ് എന്ന കഥാപാത്രമായാണ് ഇന്ദിര ഗെയിം ഓഫ് ത്രോണ്‍സില്‍ വേഷമിട്ടത്.
https://www.instagram.com/p/B93YWpNpELG/?utm_source=ig_embed
Read more
“തോര്‍”, “അവഞ്ചേഴ്‌സ്” തുടങ്ങിയ ചിത്രങ്ങളിലൂടെ ശ്രദ്ധേയനായ ഇഡ്രിസ് എല്‍ബ, റെയ്ച്ചല്‍ മാത്യൂസ് എന്നിവര്‍ക്കും കൊറോണ സ്ഥിരീകരിച്ചിരുന്നു. കൊറോണ ബാധയെ തുടര്‍ന്ന് ചികിത്സയിലായിരുന്ന നടന്‍ ടോം ഹാങ്ക്‌സും അദ്ദേഹത്തിന്റെ ഭാര്യയും നടിയുമായ റിത വില്‍സണും രോഗം ഭേദമായിരുന്നു.
