കേരളത്തില്‍ ഏറെ ആരാധകരുള്ള തെലുങ്ക് താരമാണ് അല്ലു അര്‍ജുന്‍. താരത്തിന്റെ സിനിമകള്‍ എല്ലാം കേരളത്തിലും ട്രെന്‍ഡിംഗ് ആവാറുണ്ട്. അല്ലു അര്‍ജുന്റെ 41-ാം ജന്മദിനം ആയിരുന്നു കഴിഞ്ഞ ദിവസം. സഹതാരങ്ങളും ആരാധകരുമടക്കം നിരവധി പേരാണ് താരത്തിന് ജന്മദിനാശസകളുമായി എത്തിയത്.
‘സന്തോഷം നിറഞ്ഞ ജന്മദിനം ആശംസിക്കുന്നു’ എന്നാണ് ജൂനിയര്‍ എന്‍ടിആര്‍ ട്വീറ്റ് ചെയ്തത്. ‘മനോഹരമായ ആശംസയ്ക്ക് നന്ദി, ഊഷ്മള ആലിംഗനം’ എന്നാണ് അല്ലു അര്‍ജുന്റെ മറുപടി. ‘ആലിംഗനം മാത്രമേ ഉള്ളൂ? പാര്‍ട്ടി ഇല്ലേ പുഷ്പാ’ എന്നായിരുന്നു എന്‍ടിആറിന്റെ മറുചോദ്യം.
വസ്തുന്നാ എന്നാണ് അല്ലുവിന്റെ മറുപടി. വസ്തുന്നാ എന്നാല്‍ വരുന്നൂ എന്നാണ് അര്‍ത്ഥം. അല്ലു അര്‍ജുന്റെ ‘പുഷ്പ’ എന്ന ചിത്രത്തില്‍ വില്ലനായെത്തിയ ഫഹദ് ഫാസിലിന്റെ ബന്‍വര്‍ സിങ് ഷെഖാവത്ത് എന്ന കഥാപാത്രം നായകനായ പുഷ്പരാജിനോട് ചോദിക്കുന്ന ചോദ്യമാണ് പാര്‍ട്ടി ലേദു പുഷ്പാ (പാര്‍ട്ടി ഇല്ലേ പുഷ്പാ) എന്നത്.
Vasthunna !! 😉
— Allu Arjun (@alluarjun) April 8, 2023
സൂപ്പര്‍താരങ്ങളുടെ ഈ സൗഹൃദ സംഭാഷണം ആരാധകര്‍ ഏറ്റെടുത്തിരിക്കുകയാണ്. ചിലര്‍ അല്ലു അര്‍ജുന്റെ തന്നെ മറ്റൊരു ചിത്രത്തിലെ പാര്‍ട്ടി നടത്തുന്നതിനെ കുറിച്ച് അദ്ദേഹം പറയുന്ന സംഭാഷണങ്ങളും വീഡിയോ ആയി പോസ്റ്റ് ചെയ്തു. ഈ സംഭാഷണമാകാം അല്ലു അര്‍ജുന്‍ അടുത്തതായി പറയാന്‍ പോകുന്നതെന്നാണ് പലരും പറയുന്നത്.
Read more
അതേസമയം, പുഷ്പയുടെ രണ്ടാം ഭാഗമായ ‘പുഷ്പ ദ റൂള്‍’ സിനിമയുടെ ഫസ്റ്റ് ലുക്ക് പോസ്റ്ററും പ്രമോ വീഡിയോയും കഴിഞ്ഞ ദിവസം പുറത്തുവിട്ടിരുന്നു. വെര്‍ ഈസ് പുഷ്പ എന്ന് ചോദിച്ചു കൊണ്ടുള്ള പ്രമോ വൈറലായിരുന്നു. എന്നാല്‍ ഇതിന് ട്രോളുകളും ലഭിച്ചിരുന്നു.
