ബാലതാരമായി എത്തി സിനിമാരംഗത്ത് തന്റേതായ ഇടം നേടിയ താരമാണ് വിഷ്ണു ഉണ്ണികൃഷ്ണന്‍. ഇപ്പോഴിതാ ഒരു രസകരമായ വീഡിയോ പങ്കുവെച്ചിരിക്കുകയാണ് അദ്ദേഹം.
കട്ടപ്പനയിലെ ഋത്വിക് റോഷനില്‍ ഒരു ഗാനരംഗത്തില്‍ അഭിനയിച്ച ഒരു സ്ത്രീയെ വര്‍ഷങ്ങള്‍ക്ക് ശേഷം മരതകം എന്ന സിനിമയുടെ ലൊക്കേഷനില്‍ വെച്ച് കണ്ടപ്പോള്‍ ഉള്ള വീഡിയോയാണ് വിഷ്ണു പങ്കുവെച്ചിരിക്കുന്നത്. ‘കട്ടപ്പനയിലെ ഋത്വിക് റോഷനില്‍ പാട്ട് സീനില്‍ കൂടെ അഭിനയിച്ച അതേ അമ്മച്ചിയെ 5 വര്‍ഷത്തിന് ശേഷം മരതകം പാട്ട് സീനില്‍ വച്ച് കണ്ടപ്പോള്‍’ എന്ന കുറിപ്പോടെയാണ് അദ്ദേഹം വീഡിയോ പങ്കുവെച്ചിരിക്കുന്നത്.
അതേസമയം രണ്ട് എന്ന സിനിമയാണ് വിഷ്ണു ഉണ്ണികൃഷ്ണന്റേതായി ഒടുവില്‍ റിലീസ് ചെയ്തത്. ഒരു പൊളിറ്റിക്കല്‍ സറ്റയര്‍ ആയ ചിത്രം സമകാലീന രാഷ്ട്രീയത്തിലൂന്നിയാണ് കഥ പറയുന്നത്. അന്ന രേഷ്മ രാജനാണ് ചിത്രത്തില്‍ നായികാ വേഷത്തില്‍ എത്തുന്നത്. ഇര്‍ഷാദ്, കലാഭവന്‍ റഹ്‌മാന്‍, സുധി കോപ്പ, ബാലാജി ശര്‍മ്മ, ഗോകുലന്‍, ജയശങ്കര്‍, കോബ്ര രാജേഷ്, ശ്രീലക്ഷ്മി, മാല പാര്‍വതി, മറീന മൈക്കിള്‍, പ്രീതി എന്നിവരാണ് ചിത്രത്തിലെ മറ്റു താരങ്ങള്‍.
