ചിയാന്‍ വിക്രം നായകനായി എത്തുന്ന “മഹാവീര്‍ കര്‍ണ”യുടെ മേക്കിംഗ് വീഡിയോ സോഷ്യല്‍ മീഡിയയില്‍ വൈറല്‍. വിക്രമിന്റെ 54ാം ജന്‍മദിനത്തിലാണ് ആശംസകളുമായി സ്‌പെഷ്യല്‍ വീഡിയോ അണിയറ പ്രവര്‍ത്തകര്‍ പുറത്തിറക്കിയത്. വിക്രം വില്ലു കുലക്കുന്നു ദൃശ്യങ്ങളാണ് വീഡിയോയില്‍ കാണാന്‍ സാധിക്കുക.
ആര്‍ എസ് വിമല്‍ സംവിധാനം ചെയ്യുന്ന ചിത്രത്തിന്റെ ചെറിയ ഷെഡ്യൂള്‍ മാത്രമാണ് പൂര്‍ത്തിയായത്. ഹൈദരാബാദിലെ ലൊക്കേഷനില്‍ നിന്നുള്ള വീഡിയോ ആണ് ഇപ്പോള്‍ വന്നിട്ടുള്ളത്. 2018ലാണ് ചിത്രം പ്രഖ്യാപിച്ചത്. 300 കോടി ബജറ്റിലൊരുക്കുന്ന ചിത്രത്തിന്റെ അടുത്ത ലൊക്കേഷന്‍ നേപ്പാളിലാകും എന്നാണ് റിപ്പോര്‍ട്ടുകള്‍.
Read more
ചിത്രം മലയാളത്തിലും, തമിഴിലും, ഹിന്ദിയിലും ഒരുക്കുമെന്നും 32 ഭാഷകളിലായി ഡബ്ബ് ചെയ്ത് ഇറക്കുമെന്നും സംവിധായകന്‍ പറഞ്ഞിരുന്നു. ചിത്രത്തില്‍ ബോളിവുഡില്‍ നിന്നുളള പ്രമുഖ താരങ്ങളും ഹോളിവുഡ് ടെക്നീഷ്യന്‍സും പ്രവര്‍ത്തിക്കുന്നുണ്ട്. ന്യൂയോര്‍ക്ക് ആസ്ഥാനമായ യുണൈറ്റഡ് ഫിലിം കിങ്ഡം ആണ് ചിത്രം നിര്‍മിക്കുന്നത്.
