ചിരഞ്ജീവി ചിത്രം ‘വാള്‍ട്ടയര്‍ വീരയ്യ’ ജനുവരി 13ന് പൊങ്കല്‍ റിലീസ് ആയാണ് തിയേറ്ററിലെത്തിയത്. ചിത്രത്തിലെ പ്രധാന ആകര്‍ഷണങ്ങളില്‍ ഒന്നായിരുന്നു ‘ബോസ്’ പാര്‍ട്ടി എന്ന ഗാനം. ബോളിവുഡ് സുന്ദരി ഉര്‍വശി റൗട്ടേല ആണ് ഈ ഐറ്റം ഗാനരംഗത്തില്‍ എത്തിയത്. ഈ ഗാനത്തിനായി ഉര്‍വശി വാങ്ങിയ പ്രതിഫലമാണ് ഇപ്പോള്‍ ചര്‍ച്ചകളില്‍ നിറയുന്നത്.
മൂന്ന് മിനിറ്റ് മാത്രം ദൈര്‍ഘ്യമുള്ള ഗാനരംഗത്തില്‍ അഭിനയിക്കാനായി രണ്ട് കോടി രൂപ ഉര്‍വശി വാങ്ങി എന്നാണ് റിപ്പോര്‍ട്ടുകള്‍. ഇന്ത്യന്‍ വിക്കറ്റ് കീപ്പര്‍ ഋഷഭ് പന്തിനോട് ചേര്‍ത്ത് വായിക്കപ്പെട്ട ഗോസിപ്പുകളില്‍ നിറഞ്ഞ താരമാണ് ഉര്‍വശി. 2018ല്‍ ഋഷഭും ഉര്‍വശിയും ഡേറ്റിംഗില്‍ ആയിരുന്നുവെന്നും ആ ബന്ധം പെട്ടെന്ന് അവസാനിച്ചെന്നും അഭ്യൂഹങ്ങള്‍ ഉണ്ടായിരുന്നു.
മോഡിലിംഗ് രംഗത്തും വളരെ പെട്ടെന്ന് ഉയര്‍ച്ച നേടിയ താരമാണ് ഉര്‍വശി. തന്റെ പ്രശസ്തി കൊണ്ടു തന്നെയാണ് ഉര്‍വശി ഇത്ര വലിയ തുക പ്രതിഫലമായി വാങ്ങിയത് എന്നാണ് റിപ്പോര്‍ട്ടുകള്‍ പറയുന്നത്. എന്നാല്‍ ഉര്‍വശി മാത്രമല്ല ചിത്രത്തില്‍ വില്ലന്‍ വേഷം ചെയ്ത പ്രകാശ് രാജും ഞെട്ടിക്കുന്ന പ്രതിഫലമാണ് വാങ്ങിയത്.
ഒന്നര കോടി രൂപ താരം പ്രതിഫലമായി കൈപറ്റിയെന്നാണ് വിവരം. പത്ത് ദിവസം കൊണ്ട് ലോകമെമ്പാടും സിനിമ 200 കോടി ബോകസോഫീസ് കലക്ഷനാണ് സിനിമ നേടിയത്. ശ്രുതി ഹാസന്‍ ആണ് വാള്‍ട്ടയര്‍ വീരയ്യയില്‍ നായികയായത്. രവി തേജ ആണ് ചിത്രത്തില്‍ മറ്റൊരു പ്രധാന കഥാപാത്രത്തെ അവചരിപ്പിച്ചത്.
Read more
കാതറിന്‍ തെരേസ, രാജേന്ദ്ര പ്രസാദ്, ബോബി സിംഹ, സത്യരാജ്, നാസര്‍ തുടങ്ങി നിരവധി താരങ്ങള്‍ ചിത്രത്തില്‍ വേഷമിട്ടിട്ടുണ്ട്. അതേസമയം, 2017ല്‍ പുറത്തിറങ്ങിയ ‘കൈദി നമ്പര്‍ 150’ എന്ന ചിത്രത്തിന് ശേഷം ചിരഞ്ജീവിയുടെ തിയേറ്ററില്‍ വിജയിക്കുന്ന ചിത്രമാണ് വാള്‍ട്ടയര്‍ വീരയ്യ. ഇതിന് മുമ്പ് എത്തിയ സെയ്‌റാ നരംസിംഹ റെഡ്ഡി, ആചാര്യ, ഗോഡ്ഫാദര്‍ എന്നീ സിനിമകള്‍ തിയേറ്ററില്‍ ഫ്‌ളോപ്പ് ആയിരുന്നു.
