പുതിയ ചിത്രം കലഗ തലൈവന് വേണ്ടി ഇന്റിമേറ്റ് രംഗങ്ങളില്‍ അഭിനയിച്ച് ഉദയനിധി സ്റ്റാലില്‍. ആദ്യമായാണ് ഉദയനിധി അത്തരമൊരു രംഗത്തില്‍ അഭിനയിക്കുന്നത്. അതിനായി സംവിധായകനു നടനെ നിര്‍ബന്ധിക്കേണ്ടിവന്നെന്നും തിരക്കഥയില്‍ ആ രംഗം ആവശ്യമായതിനാല്‍ ഒടുവില്‍ അതിന് സമ്മതിക്കുകയായിരുന്നുവെന്നുമാണ് റിപ്പോര്‍ട്ട്.
ഉദയനിധി സ്റ്റാലിന്‍ നായകനായി നവംബര്‍ 18ന് റിലീസാകുന്ന കലഗ തലൈവന് എന്ന ചിത്രത്തിലാണ് നായിക നിധി അഗര്‍വാളുമായി ലിപ് ലോക്ക് രംഗത്തില്‍ അഭിനയിച്ചത്. എന്നാല്‍ അദ്ദേഹം നായികമാരുമായി ഇഴുകിച്ചേര്‍ന്ന് അഭിനയിക്കുന്നതിലും ചുംബന രംഗത്തില്‍ നിന്നും കഴിവതും അകന്നു നില്‍ക്കുകയായിരുന്നു. ആക്ഷന്‍ ത്രില്ലറായി ഒരുക്കുന്ന കലഗ തലൈവനു വേണ്ടി ഒടുവില്‍ വിട്ടുവീഴ്ചയ്ക്കു തയാറായി.
അരുണ്‍ വിജയ് നായകനായെത്തി ഏറെ ശ്രദ്ധ നേടിയ തടം എന്ന ചിത്രത്തിനു ശേഷം മകിഴ് തിരുമേനി സംവിധാനം ചെയ്യുന്ന ചിത്രമാണ് കലഗ തലൈവന്. സാധാരണക്കാരനായ ഒരു യുവാവ് രാഷ്ട്രീയത്തില്‍ എത്തുന്നതും തലൈവനായി മാറുന്നതുമായ കഥയാണ് ചിത്രം പറയുന്നത്.
Read more
ചിത്രത്തിലെ ലിപ് ലോക്ക് രംഗം ചെയ്യാന്‍ താല്‍പ്പര്യപ്പെടാതെ അത് ഒഴിവാക്കാന്‍ ശ്രമിച്ചെങ്കിലും തിരക്കഥ ആവശ്യപ്പെടുന്നതിനാല്‍ മുന്നോട്ട് പോകാന്‍ ഉദയനിധി തയാറാവുകയായിരുന്നു എന്ന് സംവിധായകനാണ് തുറന്നു പറഞ്ഞത്.
