ടോംസണ്‍ ടോമി എന്ന യുവാവ് എഴുതി സംവിധാനം ചെയ്ത ‘ഒരു നാടന്‍ പരോപകാരം’ ഷോര്‍ട്ട് ഫിലിം ശ്രദ്ധ നേടുന്നു. ഇടുക്കി ജില്ലയിലെ പനംകുട്ടി എന്ന സ്ഥലത്തെ നാട്ടുകാരാണ് ഷോര്‍ട്ട് ഫിലിമില്‍ അഭിനയിച്ചിരിക്കുന്നത്.
ഒരു സാധാരണക്കാരന്റെ കഥ പറയുന്ന ചിത്രത്തിന്റെ ഷൂട്ടിംഗ് നടന്നതും പനംകുട്ടിയില്‍ തന്നെയാണ്. മറ്റൊരു ശ്രദ്ധേയമായ കാര്യം ഈ ചിത്രത്തിലെ ‘അല്‍വിദാ ന കെഹനാ’ എന്ന ഹിന്ദി ഗാനമാണ്. ടോംസണ്‍ ടോമി തന്നെയാണ് ഈ ഗാനത്തിന്റെ രചനയും സംഗീതവും ആലാപനവും.
നിര്‍മ്മാതാവും നടിയുമായ സാന്ദ്ര തോമസും ഷോര്‍ട്ട് ഫിലിമിനെ അഭിനന്ദിച്ച് രംഗത്തെത്തിയിട്ടുണ്ട്. ”ഇടുക്കിയിലെ സാധാരണക്കാരായ നാട്ടുകാര്‍ അഭിനയിച്ച ഒരു നാടന്‍ പരോപകാരം. കുട്ടികള്‍ അടക്കം എല്ലാവരും നല്ല അഭിനയം കാഴ്ചവെച്ചിരിക്കുന്നു” എന്നാണ് താരം സോഷ്യല്‍ മീഡിയയില്‍ കുറിച്ചിരിക്കുന്നത്.
പനംകുട്ടിക്കാരനായ വിബിന്‍ സെബാസ്റ്റ്യന്‍ ആണ് കഥയിലെ പ്രധാന കഥാപാത്രം. കഥയും താരങ്ങളുടെ അഭിനയ മികവും ശ്രദ്ധ നേടുകയാണ്. ബിജു നരിതൂക്കില്‍ ആണ് ഷോര്‍ട്ട് ഫിലിം നിര്‍മ്മിച്ചിരിക്കുന്നത്. അരുണ്‍ കുമാര്‍ ആണ് ഛായാഗ്രഹണം നിര്‍വ്വഹിച്ചിരിക്കുന്നത്.
