ധ്യാന്‍ ശ്രീനിവാസനെ നായകനാക്കി സന്തോഷ് നായര്‍ ഒരുക്കുന്ന ചിത്രം സച്ചിന്റെ ട്രെയിലര്‍ റിലീസ് ചെയ്തു. നടന്‍ ദിലീപ് തന്റെ ഒഫീഷ്യല്‍ ഫെയ്സ്ബുക്ക് പേജിലൂടെയാണ് ട്രെയിലര്‍ പുറത്തു വിട്ടത്. ക്രിക്കറ്റ് കളിയുടെ പശ്ചാത്തലത്തില്‍ മനോഹരമായ ഒരു കോമഡി എന്റര്‍ടെയ്‌നറാണ് അണിയറയില്‍ ഒരുങ്ങുന്നതെന്നാണ് ട്രെയിലര്‍ നല്‍കുന്ന സൂചന. വളരെ രസകരമായാണ് ട്രെയിലര്‍ അവതരിപ്പിച്ചിരിക്കുന്നത്. രമേശ് പിഷാരടി, അജി വര്‍ഗീസ്, ഹരീഷ് കണാരന്‍ തുടങ്ങിയ ഹാസ്യ താരങ്ങള്‍ അണി നിരക്കുമ്പോള്‍ ആരാധകര്‍ക്ക് ഏറെ ചിരിക്ക് വകയുണ്ടെന്ന് ട്രെയിലറില്‍ നിന്ന് വ്യക്തം.
ചിത്രത്തില്‍ സച്ചിന്‍ എന്ന കഥാപാത്രമായാണ് ധ്യാന്‍ എത്തുന്നത്. സച്ചിനോടുള്ള ആരാധനയുടെ പുറത്ത് അച്ഛന്‍ മകന് സച്ചിന്‍ എന്നു പേരിടുന്നതും, ക്രിക്കറ്റ് ആരാധകനായ മകനും അയാളുടെ പ്രണയവുമെല്ലാമാണ് സിനിമയുടെ പശ്ചാത്തലം. പ്രിയങ്കരിയായ രേഷ്മ അന്ന രാജനാണ് ചിത്രത്തിലെ നായിക. മണിയന്‍പിള്ള രാജു, മാല പാര്‍വതി, രശ്മി ബോബന്‍, സേതു ലക്ഷ്മി, ഹരീഷ് കണാരന്‍, രഞ്ജി പണിക്കര്‍, രമേഷ് പിഷാരടി, അപ്പാനി ശരത്, കൊച്ചു പ്രേമന്‍, അരുണ്‍ രാജ് എന്നിവരാണ് ചിത്രത്തിലെ മറ്റു താരങ്ങള്‍.
https://www.facebook.com/ActorDileep/videos/427764897978219/?__xts__[0]=68.ARBWzR9HpaHkgTiFgE6DyO-NoRY5MU0Y5MZ4uPgR8iMCcqEclzPzWaIAYYR-vYG9_6rXDFrzU2AZFX3YyRYECPBaK7wOpyplqqRa9sYBvwtiaTlxDNbuX3F0StF4_MXW4FVskmhyTH_qdvemyYqWgLjoZq8EQKkB3InKzxq37ArFhQ855D7eGOxMX_BpsNii5-HfvQ9zujlimKGfH0rqjs12fKShsX1H80VMNZ2N9GvLnkkVz4FEQ4LRuBnUYrjTcxc-IFs__M4DclOU5MkqOzK1Faf1HCgcJkLgkryf6gepq_voAYSv0NX5b3ec8nJ7YYdTqRRDL3d3F2o-xBZVK2O3BLlVnWXTicvH0w&__tn__=-R
Read more
ചിത്രത്തിന്റെ തിരക്കഥ ഒരുക്കിയിരിക്കുന്നത് എസ്.എല്‍ പുരം ജയസൂര്യയാണ്. ജൂഡ് ആഗ്‌നേല്‍, ജൂബി നൈനാന്‍ എന്നിവര്‍ ചേര്‍ന്നാണ് ചിത്രത്തിന്റെ നിര്‍മ്മാണം. നീല്‍ ഡി.കുഞ്ഞയാണ് ഛായാഗ്രഹണം. ഷാന്‍ റഹ്മാന്റേതാണ് സംഗീതം. എഡിറ്റിംഗ് രാജന്‍ എബ്രഹാം. ചിത്രം ഏപ്രില്‍ 12 ന് തിയേറ്ററുകളില്‍ എത്തും.
