സെപ്തംബര്‍ എട്ടിനു റിലീസു ചെയ്ത വിനയന്‍ ചിത്രം പത്തൊന്‍പതാം നൂറ്റാണ്ട് ചരിത്രം സൃഷ്ടിച്ചുകൊണ്ട് ലോകത്താകെ അഞ്ഞൂറിലധികം തീയറ്ററുകളില്‍ നല്ല കളക്ഷന്‍ നേടി മുന്നേറുകയാണ്.. കേരളത്തില്‍ ആദ്യ ആഴ്ചയേക്കാള്‍ കൂടുതല്‍ തിരക്കാണ് രണ്ടാമത്തെ ആഴ്ചയുടെ തുടക്കത്തില്‍ അനുഭവപ്പെടുന്നത്.
ആദ്യ ആഴ്ചയില്‍ 23.6 കോടി രൂപയുടെയുടെ ഗ്രോസ് കളക്ഷന്‍ സൂപ്പര്‍സ്റ്റാറുകള്‍ ഒന്നുമില്ലാത്ത വിനയന്റെ ഈ സിനിമ നേടി എന്നത് ഒരു റെക്കോര്‍ഡാണ്.. ഇപ്പോള്‍ തീയറ്റുകളില്‍ സിനിമകള്‍ക്കു കിട്ടാത്ത ലോംഗ് റണ്ണിംഗ് പത്തൊന്‍പതാം നൂറ്റാണ്ടിനു ലഭിക്കുന്നതെന്നാണ് തീയേറ്റര്‍ ഉടമകളുടെ അഭിപ്രായം.
വന്‍ ബജറ്റിലാണ് പത്തൊമ്പതാം നൂറ്റാണ്ട് ഒരുങ്ങിയിരിക്കുന്നത്. ശ്രീ ഗോകുലം മൂവീസിന്റെ ബാനറില്‍ ഗോകുലം ഗോപാലനാണ് നിര്‍മ്മാതാവ്.സിജു വില്‍സന്‍ ആണ് ചിത്രത്തില്‍ നായകന്‍. ആറാട്ടുപുഴ വേലായുധ പണിക്കര്‍ എന്ന ചരിത്ര പുരുഷനെയാണ് സിജു അവതരിപ്പിക്കുന്നത്. സംവിധായകന്‍ തന്നെരചന നിര്‍വ്വഹിച്ചിരിക്കുന്ന പത്തൊമ്പതാം നൂറ്റാണ്ടിന്റെ സഹനിര്‍മ്മാതാക്കള്‍ വി സി പ്രവീണ്‍, ബൈജു ഗോപാലന്‍ എന്നിവരാണ്.
Read more
ചിത്രത്തില്‍ നായികയായി എത്തുന്നത് കയാദു ലോഹര്‍ ആണ് . വലിയ ഒരു താരനിര തന്നെ ചിത്രത്തില്‍ അണിനിരക്കുന്നുണ്ട്.അനൂപ് മേനോന്‍, ചെമ്പന്‍ വിനോദ്, സുദേവ് നായര്‍, ഗോകുലം ഗോപാലന്‍, വിഷ്ണു വിനയന്‍, ടിനിടോം, ഇന്ദ്രന്‍സ്, രാഘവന്‍, അലന്‍സിയര്‍, മുസ്തഫ, ജാഫര്‍ ഇടുക്കി, ചാലിപാല, ശരണ്‍, ഡോ. ഷിനു, വിഷ്ണു ഗോവിന്ദ്, സ്പടികം ജോര്‍ജ്, സുനില്‍ സുഖദ, ജയന്‍ ചേര്‍ത്തല, ബൈജു എഴുപുന്ന, സുന്ദര പാണ്ഡ്യന്‍ എന്നിവരും ചിത്രത്തില്‍ അണിനിരക്കുന്നു.
